1 Pedro 5:1 - Nuevo Testamento Toba Maskoy

¹ Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

1 Pedro 5:1 ပူးပေါင်းရင်းမြစ်များ

Lucas 24:48

Koka eleltennes hata lhamakho qaselha aktakha nak apkelvetai'a ketlhengkap,

Hechos 1:22

Ampai'o lhta nhan hengelieplekama m'a aplavkeskamakha lhta konne iemmen Juan Jesús ma'a, akvakmo nhan akno akiantemakho neten. Ntasek angeliekiaksek lhema enenlhet la'a kakpota hengelpasmekhak ennengko'o netlheianma aktemakha nelvetaiangko lhta aplhatekhangveiam Jesús apieseksek apkenmaskengvaiakmo —lhna aptemak Pedro.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 11:30

Ka apkellangkongvekho lhnak patakkom Bernabe kakpota nhan Saulo kakpota elletsakhak ellangkongvakhak metno apketko'ok akieto Judea kakpota ennaskangkok apankavek ma'a.

Hechos 14:23

Apkelteskesaiangko lhnak na metno apketko'ok takhaplhet'ok moklhem'a apkaqnekhelha iglesia m'a, apkelelmalhneiangko lhnak nahan, apkellaqhaskesammakpo lhnak na mek kakpota elpokkenek ellasennama Apveske aniem'o meliaskeiam ma'a.

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 15:6

Ka apkaqnekho lhnak mokhom nema allapaskamo kakpota nhan metno apketko'ok kakpota etlhenek aktemakha m'a.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Hechos 20:17

Nengakhangke lhta m'a na temma Mileto, ka apkelto lhta Pablo ngkolhek aleltennaskakho metnangko apketko'ok iglesia akieto Efeso elelhiemok apnakha m'a.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 21:18

Ka akto mo'ok aknem neltangko nhan amaika'a Jacobo, apkakhaiangke lhta nhan aplhamakho metno apketko'ok ma'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

2 Corintios 5:1

Neniokha nak malha lhema la pa'at akmaskengvaiam anak. Koka aktevaselhko la m'a, neliavek koka nhan ennengko'o hengellangkok hata Eniapom Neten mo'ok neliokha m'a mankomovana nhan nkomaskengvomok akieto neten, malha nhan pa'at la m'a have kto nak apkelanai'a nak enenlhet.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Filipenses 1:19

ngkanek asiavek ko'o ngkolhek hata evongkaso tep aniem'o helelmalhneskeskama ketlhengkap, aniem'o hepasmok hata nhan Espíritu apankok Jesucristo.

1 Timoteo 5:1

Meliennaho nkek apkellanei'o apkelvaneiam la'a, ntasek koka eleltennasangkok nentemakha malha aktonak apiapom apankek la'a. Eltaqmelkes hata nhan apketko'ok malha aktonak apkelialheng'a apankek la'a.

1 Timoteo 5:19

Koka lhema aphapak la enenlhet apvekha apnakha lheiap apketlheianma metno apketkok ngkolatsekama aptemakha, meniailho nkek ma'a metko la nhan apketlhelhma'a apkanet nlho ka la apkanet'olhema enenlhet apkelvetaiangko m'a.

2 Timoteo 4:8

Asiavek ko Apveske apto apeivomo hengiekpelkemo, heiangkok hata m'a akianmoma asnaksepma askelhnekha epatek aniem'o astema aspeivomo ngkotnek hata m'a akmo'o ta nkovak aknem aliekpelkammalhkelha nentaiangkolha, ellangkok hata nhan ma'a aplhamakho apkellelto nak melleskama elel·halhnama apvektanlha ta m'a.

Tito 1:5

Asiamasangvakhe lhta lheiap ham Creta kakpota esavhok apmakmekama lhta, aspekkenkasakhe lhta nhan askaikamok lhema aspaioma nentemakha angeliekieksek apkeliamo la lhma metno apketko'ok kakpota etnangkok apkelemhama apmaniaie moklhem'a la apkaqnekhelha Jesucristo apkennemolhema m'a.

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

1 Pedro 1:7

Koka aliepkonma nak akmahai'a nkotalhka aknangko nlho aliennaktema meliaskeiam, nlho ka la nkoliennaktema meliaskeiam. Malha talha nak akmahai'a nkoiekpelkok oro nke nlho ka la nhan have oro nke. Hai, apkelvaskapo la ketlhengkap neksa akvai'a aliepkonma, koka nnankek ketlhengkap meliaskeiam akto neten ankek akmennave nkoie' mangkolhnok ma'a oro nak akmovana nkomaskengvomok. Hata apvaktamo ta Jesucristo eliavenkeskasama ta apkelvesai'a ketlhengkap, eltemeskesek hata nhan neten apankavek, ellahok hata nhan ma'a.

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

1 Pedro 5:4

Netamen apvaktamo ta m'a Apveske apanko'ok apkellanekama nepkesek, etlhevangkok hata akianmoma apkennaksepma apkelelhnekha apkatko'ok metka aktepelkammalhka nhan ma'a.

1 Juan 3:2

Ketlhengkap apkellelto nak askellamelaiam, kolhva koka nentaiangkok Eniapom Neten apketkak, mangeliohok akiokho nkek nkotnek hata nellaniemhaikama, vanlha nekha atketsek neliohok ma'a. Koka nengeliavek angennekhok hata malha apiokha nak ma'a apvaktamo ta.

2 Juan 1:1

Ko'o asto metno apketkok nlhenkek evalhok lheia akto amhama amanie kanhan atkak, Eniapom Neten apkeliekieskama lheia. Have niapak ankek askellamelaiam ketlhengka, have vanlha nhan ko'o askellamelaiam lheia, apkellamelaiakmek na ha'e aplhamakho apkellelto nhan apkeliangveiakmo akto nak have niapak anke.

3 Juan 1:1

Ko'o asto metno apketkok, nlhenkek evalhok lheiap Gayo apto astema emo'ok, have niapak ankek askasekhai'o lheiap.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.