1 Pedro 4:18 - Nuevo Testamento Toba Maskoy

¹⁸ Nkotlhengkasama ta nhan melvongkasakpek tep apkellelto nak apkelpeivomo ¡Avanhek ankek hato ka nha ngkotnek apkellengaiangko apkellelto nak meliamolhma, kanhan apkellanekamo nak ngkollatsekama!

1 Pedro 4:18 ပူးပေါင်းရင်းမြစ်များ

Lucas 15:1

Apkelteteskai'o lhnak enenlhet apkenmaikamok anak patakkom impuestos ankok, kakpota nhan enenlhet apketlhenammap apkellanekamok ngkollatsekama apnakha Jesús ma'a, kakpota ellailhok apkeltennaikama m'a.

Lucas 23:31

Nnek aktevaso iamet anak alielsellemo nke nak ava, koka neten ankek hata ngkotnek ma'a aktevasemmalhka iamet anak akiemai'a —lhnak aptemak Jesús.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 27:24

lhke ptak heiano: "Menia nkoie' Pablo, Eniapom Neten hata evongkesek tep lheiap kakpota nhan apketlhelhma'ak aniem'o lheiap, ngkanek nkaimelhkek elhong mokhom lheiap napaqtek apnakha apiav'akha apveske Romano", lhke aptak heiano ángel.

Hechos 27:31

Apvetangke lhta Pablo m'a apkenmak'akha etnangkok niekhe, lhta aptak Pablo apkellano kempokhakme kakpota nhan capitan apankok ma'a, lhta aptak: —Ka apkeniangko la apkenmakmekama nak loma nemmen, melvomek tep ketlhengkap —lhta aptak apkellano.

Romanos 1:18

Koka Eniapom Neten evaivesenta ta apiaqmongkasekha takhalhet'ok qaselha ngkollatsekama nak apkellanekamok enenlhet, kanhan mankopeivomo nak apkellanekamo mota enenlhet'avok, akto nhan altaqheskeskamo mota akto nak have niapak ankek aniem'o koka m'a melpeivomo.

Romanos 5:6

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

Romanos 5:8

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

1 Corintios 10:12

Niekhe enenlhet mankolheianma nak apvalhok metieme, ¡eniaho toka m'a, etiemok kelha nhan lheiap!

1 Timoteo 1:9

have akvai'a nkoliavak nkonnaveskak apkelpeivomo nak, koka ma'a meleliehekho nak, apkeliekai'a nak ley, meliamolhma nak kanhan apkellanekamo nak qaselha ngkollatsekama, apkellelto nak mellai'o Eniapom Neten kakpota nhan hengetlhekmoskama aktemakha apvesai'a, apkellelto nak apkennapma' apiapma'ak, ngkana'ak, apkellelto nhan ntekioma niapma'ak.

Hebreos 4:1

Nheklhek mokhom aklhengama Eniapom Neten apeneskamo lhnak nanek apaivoma angelentelhek hata akieto iokhalhma m'a neniamposammalhkelha. ¡Koka ellaho ta m'a eltemengvakho lhma ngkanek melentelhek hatelha ketlhengkap m'a!

Santiago 5:6

Apketlheianmek ketlhengkap apketselhnanemmap enenlhet meltemengvaiakmo lhma, apkellaqhengkek nahan, koka apkellaiangkavek apnaqtevaskamo m'a.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.

Judas 1:15

kakpota ellanhok aptemakha apkelanai'a aktaqmanma, ngkollatsekama aplhamakho enenlhet'avok, etlhenek apketselhnanemmap apkelelto nak apkellanekamok ngkollatsekama, apkeltaknongkongkek apvesai'a m'a», lhna ntemak akvetai'a apaqtek Enok ma'a.