1 Pedro 4:17 - Nuevo Testamento Toba Maskoy

¹⁷ Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

1 Pedro 4:17 ပူးပေါင်းရင်းမြစ်များ

Lucas 23:31

Nnek aktevaso iamet anak alielsellemo nke nak ava, koka neten ankek hata ngkotnek ma'a aktevasemmalhka iamet anak akiemai'a —lhnak aptemak Jesús.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 2:9

Nkovak hato ka akientalhnema takhaplhet'ok enenlhet'avok anak ma'a, ellengangkok hato ka m'a akientalhnema, apmaniaie' judios netamen metnangko nak judios.

Galatas 3:1

Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Galatas 5:7

Apkelieplavke lhta ketlhengkap malha amai aktaqmanma ¿Se lhta aliaseiangko lhma m'a kakpota elvatesangkok, he?

Galatas 6:10

Etnamo ta alietakho la mota ellanangkok qaselha altaqmelo aplhamakho pankek enenlhet, koka nhan tep ankek alietemo m'a apkellelto nak apkelialheng'a aknaikamok anak meliaskeiam.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

Hebreos 11:8

Mang nak nanek na ei'askeiakmok Abraham aktemakha apaivoma Eniapom Neten apkanemo apkeltemo etiepok apnemakha m'a apkeltemo emhangkok mo'ok iokhalhma. Koka aplhengangkek noka apanke' neksa meihamo iokhalhma m'a.

Hebreos 2:4

Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Pedro 2:8

ka metaimong anak akmovana ta nkolpelapongkesek ma'a». Hai', meleliahakho la ania'a aplhenammap Jesucristo ngkotnek hata malha alpelapongkeskama m'a, nietave ngkotnek ma'a.