1 Pedro 4:16 - Nuevo Testamento Toba Maskoy

¹⁶ Koka menmangkankek ketlhengkap neksa nema akmenlhenaikama aniem'o atlhenkasekama aptaikamok Jesucristo apkennemolhema, eltakneskasamok hato ka Eniapom Neten ketlhengkap ma'a neksa apkelvetai'a aktonak ma'a.

1 Pedro 4:16 ပူးပေါင်းရင်းမြစ်များ

Hechos 11:26

Lhema iantelhkapa lhnak apkakhaiangkok ma'a, apkankesekho lhnak ma'a, apketlhekmoseiangko lhnak na apkellelto iglesia m'a. Koka m'a akieto nak ma'a nema altamesaikamok anak ampai'akhasekha nkek nak apkeltemeskasekha apkelvesai'a Meliaskeiam Cristo.

Hechos 26:28

Ka apkatemmoiangka lhnak Agripa m'a, lhna aptemak: —Mankovangkak heiekpelkema lheiap apmak'o nak hetneskesek moi'askeiam Jesús —lhna aptemak Agripa.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Filipenses 1:20

Hai', nkel·halhnema evalhok manghenmangkaksek hata enenlhet'avok, have niapak ankek, elvetak hata aplhamakho akietnema asmopvana aniem'o Cristo, niekhe astema ehalhnankok mokhom nlho ka la angvetsepok hatelhaha.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

Santiago 2:7

¿Have nlho nhan nema apketsekama nak apkeltaknongkoma mota aktaqmanma apvesai'a Apveske apanko'ok ketlhengkap, he?

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

1 Pedro 4:14

Aktakmelakho nkek apkeltaknommap la'a aniem'o apkelleliehekho Cristo, ngkanek Espíritu Eniapom Neten apankok nkelloka mota lhemek ketlhengkap ma'a.

1 Pedro 4:19

Ka apkelto la elvetak akientalhnema ketlhengkap Eniapom Neten, nheklhek koka etlhengkesek apkellanekamok qaselha altaqmelo m'a, ntasek na enmeksek apvalho'ok ma'a apto lhta apkellanai'a ketlhengkap kanhan apto apkelpasmoma mota.