1 Pedro 4:11 - Nuevo Testamento Toba Maskoy

¹¹ Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

1 Pedro 4:11 ပူးပေါင်းရင်းမြစ်များ

Hechos 7:38

Koka m'a Moises apaqmetkeskangkek nak nanek lhema ángel akieto metaimong akhaiam Sinai, ka apkelletsantengkeskamo nhan nema akpaivoma akmovana nkoltaqmelkeskesek apkellaniemhaikama nelieihengka nnenga apkellelto apkaknaikama m'a akieto iokhalhma metkelha temma, hengellangkongvai'o nhan ennengko'o.

Romanos 11:36

Nkanek Eniapom Neten apto apkellanai'a lhamakho qaselha lhmankek ham, apanko'ok apankavek ma'a, apkellaikamok na aliennaktema m'a qaselha lhta apkelentepkeskama kakpota nkollokaha. Hai', ntasek ma'a ngkolhek aktakneskasengko apvesai'a lhma nkek ham. Amen.

Romanos 12:3

Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

Romanos 16:27

¡Ntasek angeltakneskasangkok hata mota metka nnelha apvesai'a Eniapom Neten apto aknema apiamo, vanlha nhan apto lhema aphapak Apveske engankok aniem'o Jesucristo. Amen!

Romanos 3:2

Hai', avanhek ankek aktemeskesaikamok neten apankavek ma'a aniemai'o m'a apkellaikamok apaivoma Eniapom Neten ma'a.

1 Corintios 10:31

Ntasek ellaho Eniapom Neten neksa apkenmahai'a etavangkok, einangkok, kanhan lhamakho qaselha apkenmak'akha la ellanangkok.

1 Corintios 12:4

Nietnek alpalhkammalhka apkenmopvanka'a apieseksek meliaskeiam aniem'o m'a vanlha lhema Espíritu.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 6:20

apto lhta nhan apkenmama nema akianmoma. Ka nkanek ntasek eltaqmelkese mota apkeliokha nak aniem'o apkeliehekho Eniapom Neten.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

Efesios 1:19

Askenmalhnema nhan eliangveskeskamhok ketlhengkap akiavai'a nkek apmopvana nak Eniapom Neten nkomakmama apvalho'ok ma'a. Ka apmopvana nak kanhan apiennaktema

Efesios 4:29

Melpaqmetama ngkollatsekama la apaivoma, ntasek koka elpaqmetama altakmanma kakpota nkoltaqmelkesek apkellangiemhaikama po'ok, nkoliangveskeskamhok nahan.

Efesios 5:20

Etnamok hata mota gracias Eniapom Neten apto Eniapom aniem'o nhan apvesai'a Apveske engankok Jesucristo, aniem'o nhan ma'a apkelvetaskeskama lhamakho qaselha altaqmelo.

Efesios 6:10

Hai, ka m'a elialheng'a, eteniamok hata mota Apveske kakpota ellangkok apkeliennaktema m'a, nietnek akiavai'a nkek apmopvana m'a.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 2:11

etlhenek hata apankavek Jesucristo apto apveske, netamen eltakneskasangkok hata nhan Eniapom Neten apvesai'a aniem'o akietnema akiavai'a apmopvana.

Colosenses 4:6

Elpaqmetkesap amota qaselha altaqmelo, akleklemo la nhan engvalhok kakpota nkotaqmelek apkellatemmoikama neksa apkelelmalhnekama la'a.

1 Tesalonicenses 2:4

Eniapom Neten koka hengelleltemeskeskama kakpota ampaiaksek ania'a aktaqmanma, monteniaiangko' ennengko'o nkolekkasama apvalho'ok enenlhet'avok nentaiangkelha, vanlha koka nenteniaiangkok ma'a nkolekkasama apvalhok Eniapom Neten apto apvetai'o alhnakho nkek engvalho'ok.

1 Timoteo 1:17

¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

1 Timoteo 6:16

Apto nhan lhema aphapak menietsepma, apto apkaniemhaikama nhan aiseksek atsak'elha lhma, mamma nhan nkoteteskamok ma'a, mamma nhan enenlhet apto apvetai'a m'a ngkanek na mongapvankek angellanhok ma'a. Apto nhan vanlha lhema aphapak akietnema apmopvana m'a, ntasek angellaho mota m'a metka nnelha. Amen.

Tito 2:1

Koka ntasek lheiap etlhekmokse mota aktemakha na mota aklheianma hengetlhekmoskama akto nak have niapak anke.

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

Hebreos 13:7

Kotlheianvakho ta mota apvalho'ok ketlhengkap apkeltemakha lhta apkelemhama apmaniaie apanko'ok apkellelto lhta apkelpaieskama ania'a aktaqmanma ham aniem'o Eniapom Neten, kotlhen hata nhan apvalho'ok ma'a ko la lhta aptaiangkolha apkellangiemhaikama, elvanamok hata nhan ketlhengkap aptaiangkolha lhta meliaskeiam ma'a.

Hebreos 5:12

Lhennenga niekhe apkellengai'a ania'a aktaqmanma aplhenammap Eniapom Neten ketlhengkap, apvanka'a nlho lhta niekhe etnangkok hengetlhekmoskama, koka metnaiangkok ma'a. Nkaimommalhkek kelha mokhom ngkolhek atlhekmoso alhievai'a la hengetlhekmoskama aniem'o nkoliennaktema apvalho'ok. Malha aktonak nematka la'a aktoma nak neme nkok ngken la'a, mankapvankek etvok aptoma la aliennaktema, vanlha koka neme. Apkennavek ketlhengkap hengke'e nematka nak, meliehek na eliekpelkok aktakha la akpeivomo.

Santiago 1:19

Ketlhengkap elialheng'a askellamelaiam, eltaqmelkaso ta apkellailhemo asmak'akha nak atnek alheianma, ntase mota ketlhengkap ellailhok eniangkok sekhe' eliatak po'ok la'a, have elelientemmakpok apmaniaie' ketlhengkap, metnamok na nav'a apvaheiok apkenmak'o la ello'ok,

Santiago 1:26

Moklhem'a ketlhengkap apieseksek anak ham nketlhenke mota apvalho'ok apkellelto apkeliamolhma meliaskeiam Eniapom Neten, koka apkeliennengkasekpek apankavek ma'a ngkanek mankollapvanka'ak enmangvomok apkelpakmeiasma ngkollatsekama, akhemo apkelleltammap apkeliamolhma meliaskeiam ma'a.

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Pedro 4:10

Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.

1 Pedro 4:16

Koka menmangkankek ketlhengkap neksa nema akmenlhenaikama aniem'o atlhenkasekama aptaikamok Jesucristo apkennemolhema, eltakneskasamok hato ka Eniapom Neten ketlhengkap ma'a neksa apkelvetai'a aktonak ma'a.

1 Pedro 5:11

¡Ntasek hata etnek apveske Eniapom Neten mangkotnengvaiam annelha akieplomo apmopvana! Amen.

Judas 1:25

Hai, angelvenkesama ta kolhvave nak emmanie ta nhan metka nnelha apto lhema phapak apveske, Eniapom Neten, hengvonkeskama tep nahan aniem'o Jesucristo. Apientalhnemo, apkapommatema apankek nahan, neten apankek, aknema apmopvana apankek na m'a. Amen.