1 Pedro 4:10 - Nuevo Testamento Toba Maskoy

¹⁰ Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.

1 Pedro 4:10 ပူးပေါင်းရင်းမြစ်များ

Marcos 10:45

Nkanek Enenlhet apketka nak apvai'ak hengke'e kakpota etnek nema asennaikama, have apteniai'a ngkolhek annengkasengka mota. Apvai'ak hengke'e kakpota eniangkok ematong ma'a, el·hatsoskakhak na apentalhnema enenlhet'avok anmaikama nak ngkollatsekama nak apkellanekamok —lhna aptemak.

Lucas 12:42

Koka lhna aptemak Apveske: —Ka asietkeskama lhkek aplhamakho apkellelto nak malha nema annengkasekama la apiamo panke apkeliehekho aptakha apkanemakha apveske apankok apkeltemo ellangkok aptekamok apketkak neptamen.

Lucas 19:13

Amanie lhnak apmahai'a elhong ma'a, apkankesekho lhnak 10 apkenmakmesaikama, ka apkellaiangko lhnak na moklhem'a 10 patakkom aliaqiema nema altema minas, lhna aptemak apkellanemo: "Enmakmesama ta patakkom anak akvakmo aknem asvaktamo ta mokhom", lhna aptemak apkellanemo m'a.

Lucas 8:3

Juana, atava' lhnoka apvesai'a Cuza, apveske Herodes Antipas nak apkeltakmelkeskeskama apanko'ok ma'a. Mo'ok noka akvesai'a Susana kakpota nhan mo'ok ngkelvana'ak ma'a allaiangko lhna mota alletsekama alaimommalhkelha la mota m'a Jesús.

Romanos 15:25

Koka kolhvave nak asmak'ak aniakhak Jerusalen kakpota aletsakhesek patakkom apkelpokkenammap ma'a.

Romanos 15:27

Anmahai'o nke lhta apvalho'ok ellankesekha patakkom anak, ntasek aptaiangko m'a ngkanek malha apkeliaqmongkasekha apkellangkongvaiam alhta ania'a aktaqmanma elialheng'a judios apankavek nak.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 4:7

Nkanek Eniapom Neten apkeltemeskeskama apkelientalhnemo ketlhengkap ham, have aptaikamok apanke, ka ngkanek akhemo ellakpok ketlhengkap ma'a.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

2 Corintios 9:1

Mankaimelhkak anaktalheskesek ko'o vakkahak aktemakha askeltemo la elankeskasokhak alpasmoma apkellelto nak apkelpokkenammap.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

2 Timoteo 1:18

ka ngkanek ko askeltemo eietnahok napa'at Apveske engankok akvakmo ta aknem hata m'a. Apiavek na lheiap ma'a avanhe lhta nhan hengelpasmoma m'a enenlhet anak akieto lhta m'a Efeso.

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.