1 Pedro 3:7 - Nuevo Testamento Toba Maskoy

⁷ Ketlhengkap apkelennava'ak, eltaqmelkaso ta mota apkellanei'o apnaqteiangka'a neksa aliepetkaikamaha, meliennaho, ellaho ta nhan ngkanek nalhep'avek av'alho'ok ma'a, nkotlhevangkok hata lhemek ketlhengkap qaselha altaqmelo metka akianmoma akvesai'a nenganiemhaikama ta m'a. Koka meltaqmelkaso la apkellanei'o ketlhengkap ma'a, meniailhek hata Eniapom Neten apkelelmalhnongkoma.

1 Pedro 3:7 ပူးပေါင်းရင်းမြစ်များ

1 Corintios 7:3

nkolieplavkesek na aktemakha nak hengeliemhapma.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

Efesios 5:33

Hai, ka m'a, ntase anke mota ketlhengkap ellamelemma mota apnaqteiangka'a, ka kto nak apkellamelammakpo apankave'. Ketlhengka' nhan apnema nak anakteiangka'a ntasek na nkollaho mota anakteiangka'a.

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

Colosenses 3:19

Ketlhengkap nahan nema apnaqteiangka'a ellamelemma ta apnaqteiangka'a kakpota nhan metka apkeliennai'o apkellanei'o nhan.

1 Tesalonicenses 4:4

Ntasek koka moklhem'a ketlhengkap enmankok apkeliokha nak kakpota mellaniek ngkollatsekama qaselha, vanlha koka ntasek eltaqmelkasakpoho, ellahok na po'ok.

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

1 Pedro 3:1

Ketlhengka' ngkelvana'ak koleliehekho ta mota anakteiangka'a. Apno la atava' metno Jesucristo apnemolhema koliehekho ta nhan ma'a kakpota etnengvomok na Jesucristo apnemolhema aniem'o apvetai'a aktakmelkasemmalhko aptava, mankaimelhkak akiatekamok la enialhok ania'a aktaqmanma,