1 Pedro 3:4 - Nuevo Testamento Toba Maskoy

⁴ Koka nlekavek apvalhok Eniapom Neten ma'a ketlhengka' malha alalhnaskama av'alho'ok anak ngkanek mankomaskengvomek aktaqmanma m'a, akto nhan nalhepek av'alho'ok kanhan altakmelkeskamo av'alho'ok.

1 Pedro 3:4 ပူးပေါင်းရင်းမြစ်များ

Lucas 11:40

Mamma apqatko'ok, mankollapvankek koka eliennengkesek Eniapom Neten nkanek apkeliekpelkek apvalho'ok aniem'o apkellanai'a m'a.

Lucas 16:15

Koka lhna aptemak Jesús apkellanemo: —Nkeltase niekhe napaqta'a ketlhengkap napaqtavek enenlhet, koka meliennengkasak Eniapom Neten apto apiekpelkemo apkelvalho'ok. Koka heng qaselha akto neten ankek akiaspommalhka' napaqtavek enenlhet'avok, aptaqnevakkek koka Eniapom Neten ma'a.

Romanos 1:23

ngkanek apkelieniekhek Eniapom Neten apto aknema apmopvana mankotnengvaianlha nnelha. Apkeltakneskeskekho m'a qaselha apkellanekamok apankavek anata akiokha, kakpota nhan qaselha 4 ameiok anak, akiokha nhan allelto nak alpelhievaikama nalhepop.

Romanos 2:29

Koka judio apankek ma'a apto akietnema apvalhok malha akiaqtemenammalhka nekha tkok napaqtek Eniapom Neten aniem'o m'a Espíritu, have aniem'o henganemakha nak Moises. Ka enenlhet anak emok hata takha m'a Eniapom Neten, niekhe apkeltaknommap anak aniem'o enenlhet.

Romanos 6:6

Neliavek ennengko'o alvaneiam alhta engelvalho'ok nketsepmek lhemek ma'a Cristo akieto neten iamet aktenneskama, mmaskek na hengenmangka ngkollatsekama nak.

Romanos 7:22

Avanhe niekhe nellamelaiam ley apankok anak Eniapom Neten,

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 4:16

Niekhe akmaskema neliennaktema neliokha nak, koka mankolhnankok anmaiosak'a engvalho'ok anak, ngkanek neliavek engelvalho'ok anak nkanantangkek na lhamakho aknem aliennaktema.

Galatas 5:23

metka nenientalhnesammalhko, nenmopvana annavaksek engvalhok ¡Mamma nhan ammelhma la ley lhamakho nak, akpasmekha koka!

Efesios 4:2

Etnamok hata nhan koneng apankavek ketlhengkap, anmomhapak'a apvalho'ok ellanhok po'ok, mellammelho apnaqtevasemmap metka apkelpekheskama nhan aniem'o apkellasekhammakpo.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

Colosenses 3:3

Malha lhta ntema niekhe apkeletsepma ketlhengkap, apkelpokkenke lhta Eniapom Neten ketlhengkap kakpota elloka lhemek Cristo.

1 Tesalonicenses 4:11

Nenmak'ak angelleltennasekhok mokhom neleltennaso lhta, ¡elienlhanmamok metka apkeltemengvekho lhma'! ¡mevhanengvomankek aptakha la po'ok, ellanho toka apanko'ok apankavek aptangkolha la'a! ¡Enmakmama koka motaha

2 Tesalonicenses 3:12

Koka nentangkok nellano ennengko'o enenlhet'avok anak ma'a ntasek enmakmama kakpota elvetak aptekamok, nengeleltavek ennengko'o m'a aniem'o apientalhnemo apveske engankok Jesucristo.

1 Timoteo 2:2

Elelmalhneskes hata nhan eltaqmelkeskesek apkellangiemhaikama gobernadores kanhan apkelveskai'e kakpota hengeltaqmelkeskesek na nengellaniemhaikama m'a, angelloka metka akmaska kanhan metka aktaikama engvalhok, angelleliehekho mota nhan Eniapom Neten, angeltakmelkasalhkok na akietemo nkoie nentaiangkolha.

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

Tito 3:2

Ellana ta nhan lheiap melentepkasama apkelvesai'a po'ok ma'a, eteniangkok na metka akmaska, etnangkok na apkeliamolhma kanhan nalhep'avek apvalho'ok napaqtavek aplhamakho enenlhet'avok.

Santiago 1:21

Ntasek koka elvatesangkok ketlhengkap ma'a malha qaselha alpaiseiam anak kanhan ngkollatsekama nak, mantek ankek qaselha ngkollatsekama nak, ntasek koka enmankok takha m'a ania'a aktaqmanma nak nalhep'avek apvalho'ok nema atlhekmosekamo lhta, ngkanek nietnek akmovana m'a nkolvongkesek tep.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

1 Pedro 3:15

elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.