1 Pedro 3:13 - Nuevo Testamento Toba Maskoy

¹³ Koka apkellanengko la mota ketlhengkap qaselha altaqmelo, netamen mamma enenlhet ellaneskeskak na qaselha ngkolatsekama m'a,

1 Pedro 3:13 ပူးပေါင်းရင်းမြစ်များ

Romanos 13:3

Ka apkelientalhnemo nak mankoieto eniagak enenlhet apkellanai'a la aktaqmelo qaselha, koka eniagak ma'a apkellanai'a nak qaselha ngkolatsekama. Ka apkelan'o la lheiap qaselha altaqmelo, mangkoitek hata nhan apkai'a apkelientalhnemo nak, etlhenama ta mota apto apiamolhma lheiap ma'a.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

1 Corintios 14:1

Ketlhengkap elialheng'a, elienlhanmamok hata apkellasekhai'o po'ok, elienlhanmamok hata nhan nenmopvanka'a nak aniem'o Eniapom Neten, koka akto nhan neten ankek akiaspommalhka m'a nenlheianma ania'a aniem'o Eniapom Neten.

Efesios 5:1

Ntasek elvanangkok ketlhengkap aptemakha nak Eniapom Neten aniem'o apketkak apkellamelaiakmo m'a.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

3 Juan 1:11

Lheiap eialheng askasekhai'o, meieplavkesankek lheiap aptaiangkolha nak meliamolhma, ntasek koka eieplavkesek ma'a aptaiangkolha nak enenlhet apkeliamolhma nak. Enenlhet apkelan'o la qaselha aktaqmelo, koka apto apasmekha Eniapom Neten ma'a. Koka enenlhet apkelan'o la qaselha ngkolatsekama, metak Eniapom Neten.