1 Pedro 3:1 - Nuevo Testamento Toba Maskoy

¹ Ketlhengka' ngkelvana'ak koleliehekho ta mota anakteiangka'a. Apno la atava' metno Jesucristo apnemolhema koliehekho ta nhan ma'a kakpota etnengvomok na Jesucristo apnemolhema aniem'o apvetai'a aktakmelkasemmalhko aptava, mankaimelhkak akiatekamok la enialhok ania'a aktaqmanma,

1 Pedro 3:1 ပူးပေါင်းရင်းမြစ်များ

Romanos 10:16

Koka have aplhamakho apkelleliehekho ania'a aktaqmanma, lhna ntemak na aktalhesammalhka vakkahak Isaias: «Apveske, apkanetek enenlhet aptaikamok meliaskeiam aktemakha netlheianma», lhna aptemak apkeltennasemmap ania'a Isaias.

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

Romanos 7:2

Ka aktonak lhema ngkelvana la apnema la atava', malha nha ntak aknaqtetemmalhko lhemek atava' la'a aniem'o ley, koka apketsepo la atava m'a, mmaskek na m'a malha aktetema lhemek atava aniem'o ley.

1 Corintios 11:3

Kolhva koka smak'ak alelpeiveskasekhak ketlhengkap, Cristo apto malha apqatek apkenno la'a, apkenno koka malha apqatek ngkelvana la'a, Eniapom Neten koka malha apqatek Cristo

1 Corintios 14:34

ngkelvana'ak nkaimelhkek nkolvanmak neksa nemaknekha la'a, have aleltammalhkelha nkotnangkok nkolpaqmetama m'a, ley Moises anak aklheianma ntasek nkoleliehekho mota anakteiangka'a.

1 Corintios 7:16

Nkanek mankoihek ngkelvana nkovongkesek hatelha tep atava' nlho ka la mma'. Apkenno nhan meihek na evongkesek tep aptava nlho ka la mma'.

Efesios 5:33

Hai, ka m'a, ntase anke mota ketlhengkap ellamelemma mota apnaqteiangka'a, ka kto nak apkellamelammakpo apankave'. Ketlhengka' nhan apnema nak anakteiangka'a ntasek na nkollaho mota anakteiangka'a.

Colosenses 3:18

Ketlhengka nema nak anakteiangka'a, koleliehekho ta mota anakteiangka'a, ngkanek allanemmalhkelha mota nkotnangkok allelto nak nkoliaskeiam Apveske.

Colosenses 4:5

Etnamok hata nema apkeliamo napaqtavek ma'a enenlhet'avok anak metnangko Jesucristo apkennemolhema, elelientemap neksa aklhengama aknem.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

Hebreos 11:8

Mang nak nanek na ei'askeiakmok Abraham aktemakha apaivoma Eniapom Neten apkanemo apkeltemo etiepok apnemakha m'a apkeltemo emhangkok mo'ok iokhalhma. Koka aplhengangkek noka apanke' neksa meihamo iokhalhma m'a.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 3:2

vanlha koka apvetai'a aptava aktakmelkasemmalhko nke, ai'o nhan Eniapom Neten.

1 Pedro 3:7

Ketlhengkap apkelennava'ak, eltaqmelkaso ta mota apkellanei'o apnaqteiangka'a neksa aliepetkaikamaha, meliennaho, ellaho ta nhan ngkanek nalhep'avek av'alho'ok ma'a, nkotlhevangkok hata lhemek ketlhengkap qaselha altaqmelo metka akianmoma akvesai'a nenganiemhaikama ta m'a. Koka meltaqmelkaso la apkellanei'o ketlhengkap ma'a, meniailhek hata Eniapom Neten apkelelmalhnongkoma.

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.