1 Pedro 2:19 - Nuevo Testamento Toba Maskoy

¹⁹ Niekhe ngkollatsekama apkellanei'o m'a nkotaqmanma nhan aptangkolha apkellanei'o apkelveskai'e apanko'ok neksa niekhe la nhan aktaqmanma apkenmakmesaikama m'a, ¡elvaskap hato ka ketlhengkap ma'a! Ngkanek nlekkasema apvalhok Eniapom Neten ma'a.

1 Pedro 2:19 ပူးပေါင်းရင်းမြစ်များ

Lucas 6:32

Koka ellasekhekho ketlhengkap vanlha apkellelto nak apkellasekhai'elha la'a, mellasekhek koka m'a apkellammelhmakha la'a, ¡koka mankoietok etnangkok ma'a! Aptaiangkolha nhan ma'a enenlhet anak apkellanekamok anak ngkollatsekama.

Juan 15:21

Nkotnek hata akvai'a m'a nema akmenlhenaikama nak ko'o songkek askeltamesaikamok ketlhengkap, enenlhet meliamolhma nak ma'a meliekpelkak apto heiapaskama ko'o.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Romanos 13:5

Hai, koka nietavek ankek ma'a angelleliehekhok apkelientalhnemo nak kakpota mangkolhek hengeliaqmongkaskesakho aniem'o mongeliamolhma, kakpota nhan mangkoitek atlheianvekho engelvalho'ok qaselha ngkolatsekama la nellanai'a.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 8:1

Engelialheng'a, nenmak'ak angelleltennasama ania'a qaselha aktaqmelo lhta apkelanai'a Eniapom Neten apieseksek iglesias akieto iokhalhma Macedonia.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

Hebreos 10:2

Lhta avanko la niekhe ley nkalhnasekhak apvalho'ok enenlhet'avok malha alpaiseiam aniem'o apkellanekamok ngkollatsekama, nkomaskeskamo nlho lhta nhan atlhenaikama apvalho'ok apkellelto apketselhnanemmap, elvatesangkok na apkellaikamok apnaqtoskama apkennapekamok Eniapom Neten.

1 Pedro 2:20

Koka apkelvaskapo la ketlhengkap neksa nema altekpoikama aniem'o ngkollatsekama apkellanekamok qaselha, koka metlhevangkek akianmoma m'a, akhemo nhan apkelvaskapma m'a. Koka apkelvaskapo la neksa akientalhnema niehe nhan neksa aktaqmanma apkellanekamok qaselha, nkolekkasama ta apvalhok Eniapom Neten ma'a.

1 Pedro 4:15

Moklhem'a enenlhet nnek akmenlhenangka aniem'o aptaikamok ntekioma niapma'ak, apkenmenielhma, meliamolhma kakpota nhan apkellapsongkeskaiam apkakhaikamok po'ok. Metnamo nkek ketlhengkap aptaiangkolha nak ma'a.