1 Pedro 2:17 - Nuevo Testamento Toba Maskoy

¹⁷ Eltaqmelkaso ta apkellanei'o po'ok, ellasekhakpo nhan apieseksek la apkelialheng'a, ellaho ta nhan Eniapom Neten, kanhan apiav'akha apveske la'a.

1 Pedro 2:17 ပူးပေါင်းရင်းမြစ်များ

Juan 13:35

Ka apkellasekhakpo la mota apieseksek anak ketlhengkap, nkotlheianvakhok hata apvalhok enenlhet have niapak ankek askeltamesaikamok ketlhengkap —lhta aptak Jesús.

Romanos 12:10

Ellasekhakpo pankave apieseksek ketlhengkap malha akto nak apkennemolhema apankave nak, ellaho po'ok, elelientemongkaso nhan apmanie po'ok qaselhaha.

Romanos 13:7

Ellamok hata moklhem'a akietelha la m'a impuesto ankok kakpota nhan akteniammalhkelha la mota patakkom mo'ok la nenianmongkeskamakha, elelieheho ta m'a, ellaho ta nhan.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Efesios 5:21

Elhneso ta mo'ok apvalho'ok apkeleliehekho po'ok apieseksek la'a aniem'o apkellai'o Cristo.

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

1 Timoteo 6:1

Ketlhengkap elialheng'a apkellelto nak nema allasennaikama nema apkelianmoma, ntasek ellaho mota apveske apanko'ok kakpota menaqtevaksek enenlhet apvesai'a Eniapom Neten ma'a kanhan hengetlhekmoskama nak ennengko'o.

Hebreos 13:1

Etlhengkes hata mota apkellasekhammakpo apankavek apieseksek anak ketlhengkap ham, malha aptonak apkelialheng'a apankavek la'a.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 2:13

Elieplavkes hata apkanemakha etnangkok Apveske aktemakha apkelleliehekho apkelveskai'e, apiav'akha apveske nak apto neten apankek ma'a

1 Pedro 5:5

Ketlhengkap apketko'ok eleliehekho ta metno apketko'ok anak, etnamok hata nhan nalhep'avek apvalho'ok apieseksek anak ham, ka aktemo nak na aktalhesammalhka vakkahak Eniapom Neten apaivoma hengke'e: «Apkellammelhkek Eniapom Neten enenlhet'avok anak apkellammakpoho, apkeltakmelkaskaskek koka apkellangiemhaikama apkellelto nak nalhep'avek apvalho'ok».