1 Pedro 2:12 - Nuevo Testamento Toba Maskoy

¹² Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Pedro 2:12 ပူးပေါင်းရင်းမြစ်များ

Lucas 1:68

—Ntasek eliavenkaskesama apvesai'a nak Eniapom Neten Apveske ko Israel, ngkanek aptek amaika'a, el·hatsoskakhak na apkennemolhema neksa nema anmaikama.

Lucas 19:44

Nkosavhalhkok hata aktevasemmalhka lheia' kanhan atkak, mankaimalhkek hata takhalhet mo'ok metaimong ngkanek mankolheianvakhok av'alhok aptemo amaika'a Eniapom Neten aiseksek anak ham —lhna aptemak Jesús.

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Hechos 15:14

Hengelleltennasema lhta ania'a Simon aptemo amaika'a ampakhasekha nkek Eniapom Neten ma'a metnangko nak judios, apkeliekieskangkek na lhta kakpota etnangkok apkennemolhema apankek na m'a.

Hechos 24:13

Ka enenlhet'avok anak mankollapvankek hetlhenek elvetaskesek na lheiap askelanai'a la qaselha ngkolatsekama ko'o m'a.

Hechos 25:7

Apkelvekhek nak na m'a judios apkelleniem'o Jerusalen, apketlheianmo lhnak meihamolhma Pablo m'a, apkelanei'o nhan ngkolatsekama nkek, mannoka niekhe elvetaskeskamak iokhalhmek ankek apkelanai'a qaselha ngkolatsekama Pablo m'a.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Romanos 12:17

Nnek hata nkek aknaqtevaso ketlhengkap, meliaqmongkasekha nkoie', ntasek koka elienlhanmanko mota eltok nkoltaqmelek apkellangiemhaikama po'ok.

Romanos 13:13

Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

Romanos 14:18

Enenlhet apto la apkelanai'a lhamakho qaselha nak koka apto apiamolhma apkasennaikama Eniapom Neten, nlekavek apvalhok ma'a, enmankok na takha enenlhet'avok ma'a.

Romanos 15:9

Apvai'a lhta nhan m'a kakpota elietnahok na napaqta'a metnangko nak judios kakpota eliavenkaskesama ta nhan apvesai'a Eniapom Neten ma'a. Ka aktemo nak aktalhesammalhka Vakkahak Eniapom Neten apaivoma hengke'e: «Alhenek hata apvesai'a lheiap aptema apiavai'a apankek napaqtavek metnangko nak judios, annekmaksek hata nhan apvesai'a lheiap», lhna nnema aktemo m'a.

1 Corintios 14:25

Konne kankek hata nhan etak apvalhok ngkolatsekama m'a, kakpota elteklheiok aptapno'ok, enialhentamok napaqtek Eniapom Neten kakpota eniahok ma'a, eihangvomhok hata nhan have niapak ankek apnema apieseksek ketlhengkap ma'a.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 13:7

Kolhva koka ennengko'o nengelelmalhneskaskek Eniapom Neten elpasmok ketlhengkap mellanankek hata mokhom qaselha ngkolatsekama, have nkollaqhama engelvalho'ok engankavek aniem'o netlhekmosekamok ennengko'o, nkaqhok nkotlhenek apvalho'ok enenlhet akhemo nenmakmekamaha apieseksek anak ketlhengkap, vanlha koka nengeleltavek ellanangkok qaselha altaqmelo ketlhengkap.

2 Corintios 8:21

Hai, skelienlhanakmavek ko'o mota alanak akpeivomo napaqtek Apveske, napaqtavek na enenlhet'avok.

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Efesios 4:22

Ka nkeniemai'ak na ketlhengkap ntasek elvatesangkok ngkollatsekama apkellaneiangko lhta mota lhennenga, etnangkok malha apkel·hatsosaikamok lhennenga apvalho'ok alpaisengkeskama aniem'o aliaspongkomakha nak apvalho'ok akmovana nak hengiennenkesek.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 4:8

Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

1 Tesalonicenses 4:12

kakpota melelmongkalhnamaha! Netamen ellahok hata mota apkellelto nak apkeliaskeiam Eniapom Neten.

1 Timoteo 2:2

Elelmalhneskes hata nhan eltaqmelkeskesek apkellangiemhaikama gobernadores kanhan apkelveskai'e kakpota hengeltaqmelkeskesek na nengellaniemhaikama m'a, angelloka metka akmaska kanhan metka aktaikama engvalhok, angelleliehekho mota nhan Eniapom Neten, angeltakmelkasalhkok na akietemo nkoie nentaiangkolha.

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

Hebreos 13:5

Meliaspamo nke mota apkankesaikamok nkeskama qaselha apanko'ok. Kolpaihekha toka mota apvalho'ok aknangkolha la'a qaselha apankok ngkanek lhna aptemak Eniapom Neten hengke'e: «Moieniekhek hata lheiap, molvataksek hata nhan askelanekama», lhna aptemak.

Santiago 3:13

Apno la lhema enenlhet apieseksek anak ketlhengkap aklheianma mota apvalhok apkanema eihok lhamakho qaselha, ntasek elvetaskesek ma'a nkotalhkak na apkelanai'a qaselha altaqmelo akieplomo koka nhan nalhepek apvalhok aniem'o aknema apiamo.

1 Pedro 2:15

Apkeltavek Eniapom Neten ketlhengkap ellanangkok qaselha altaqmelo kakpota meliematkesama enenlhet'avok anak meliangveiakmo mokhom kanhan metka apqatko'ok anak.

1 Pedro 3:16

Eltaqmelkasakpo ta nhan kakpota nkoltaqmelkasok na alietnaikama apaqto'ok ketlhengkap, kakpota enmankangvomok apkellelto nak apkeliematkesaikama ketlhengkap neksa apkellanekamok qaselha altaqmelo.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.