1 Pedro 1:7 - Nuevo Testamento Toba Maskoy

⁷ Koka aliepkonma nak akmahai'a nkotalhka aknangko nlho aliennaktema meliaskeiam, nlho ka la nkoliennaktema meliaskeiam. Malha talha nak akmahai'a nkoiekpelkok oro nke nlho ka la nhan have oro nke. Hai, apkelvaskapo la ketlhengkap neksa akvai'a aliepkonma, koka nnankek ketlhengkap meliaskeiam akto neten ankek akmennave nkoie' mangkolhnok ma'a oro nak akmovana nkomaskengvomok. Hata apvaktamo ta Jesucristo eliavenkeskasama ta apkelvesai'a ketlhengkap, eltemeskesek hata nhan neten apankavek, ellahok hata nhan ma'a.

1 Pedro 1:7 ပူးပေါင်းရင်းမြစ်များ

Lucas 12:33

Eklhamok hata akietnakha la qaselha apanko'ok, eltenia ta akianmoma patakkom kakpota ennaskekhak apieseksek enenlhet metka nak apkelletsekama, kakpota ngkoitek ketlhengkap ngkeskama apkeletsekama m'a akieto neten mankotnengvaianlha nnelha'. Mamma enenlhet apmenielhma m'a kakpota nhan mamma askok veneng aptevaskama la qaselha m'a.

Lucas 17:30

Nkolhok hata nhan ma'a apvaktamo ta pelapkeskama Enenlhet Apketka nak.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 5:44

Mankollapvankek nkolhnangkok meliaskeiam ketlhengkap ngkanek vanlha mota apteniaikamok eleltangko mota enenlhet apkeliamolhma ketlhengkap. Meteniaiangkok na apketlheianma la Eniapom Neten apto apveske vanlha lhema aphapak apanke etlhenek apkeliamolhma ketlhengkap ma'a.

Hechos 8:20

Koka lhna aptemak Pedro apkatemmoiangka: —Enietsepo ta lhemek patakkom anak lheiap ngkanek nlhenkek apvalhok lheiap emok nema akianmoma patakkom qaselha metka akianmoma nak hengaikamok Eniapom Neten.

Romanos 2:10

Eniapom Neten hato ka etlhenama apkelvesai'a apkellelto nak apkellanekamok qaselha altaqmelo, eltemeskesek hata nhan apkelientalhnemo. Ngkolhek hata nhan allak'o, etlhevangkok hata nhan altaqmelaikama apvalho'ok apmaniaie' judios, netamen hata m'a metnangko nak judios,

Romanos 2:29

Koka judio apankek ma'a apto akietnema apvalhok malha akiaqtemenammalhka nekha tkok napaqtek Eniapom Neten aniem'o m'a Espíritu, have aniem'o henganemakha nak Moises. Ka enenlhet anak emok hata takha m'a Eniapom Neten, niekhe apkeltaknommap anak aniem'o enenlhet.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Romanos 8:19

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

1 Corintios 3:13

Netamen, akvo'o ta aknem neliekpelkammalhkelha, talha ta nkoliekpelkok aktemakha apkellanekamok pa'at anak ma'a, aktaqmanma alanemmalhka, nlho ka la ngkolatsekama.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

1 Pedro 1:13

Ka nkeniemai'ak na ntasek nkolketamangkok apvalho'ok aktaqmelo kakpota ellanangkok qaselha akpeivomo, mellankek na nkonmama aliaspongkomakha nak apvalho'ok, elel·halhnama nhan apvektanlha ta Jesucristo avanhek hata nkotnek apkeltakmelkeskeskama apkellaniemhaikama.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

1 Pedro 2:4

Elteteskakho ta Apveske apto malha metaimong akietnema aktema alhnankok. Apkeltakheskamo lhta enenlhet, koka apkeliekieskakhe lhta m'a Eniapom Neten metaimog anak ngkanek akto lhta niekhe neten ankek akiaspommalhka m'a.

1 Pedro 2:7

Ka metaimong anak akto akmennave nkek napaqtavek ketlhengkap meliaskeiakmo nak, koka apkeliaskeiakmo nak ma'a ngkotnek hata apkelvetai'a aktemo nak aktalhesammalhka vakkahak Eniapom Neten apaivoma m'a, ka ntemak heng: «Ka metaimong alhta apkeltakheskamo apkellanekamok pa'at, ntakhek mokhom nema akmaikama aniem'o neten ankek aktaqmanma anmama m'a,

1 Pedro 4:12

Ketlhengkap elialheng'a askellamelaiam, mopallemmankek apvalho'ok apkelvet'o la aliepkonma malha aktonak talha la'a, mellanankek na mankovhek hata m'a.

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 1:4

Hengeleltennaskamo lhta nhan lhema apaivoma aktaqmanma nkek hengeltemeskesangkok hata nengelnemo Eniapom Neten, envanka'ak hata nhan hengelpaqnemekha qaselha ngkollatsekama nak hengke'e aniem'o aliaspongkomakha nak engelvalho'ok.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.

Apocalipsis 3:18

Askangkek ko'o lhema aspaioma lheiap, ¡elheng hengke'e asnakha nak! Ema ta oro nema akiamasma natelh nema alalhnasekha kakpota etnek nkeskama apketsekama lheiap. Ema ta nhan apkelentalhnekha apkenmopei'o apankek kakpota memangkama lheiap aniem'o apkalhnai'o, eltelhnamok hata nhan apaqto'ok ponha kakpota etekhak na lhma lheiap ma'a.