1 Pedro 1:1 - Nuevo Testamento Toba Maskoy

¹ Ko'o Pedro asto heiapaskama Jesucristo, nlhenkek evalhok ketlhengkap apkellelto apkellenteiapma apkellavakha apanke, apkelhpanmo nhan apkenmaiangko apkeliav'akha temma Ponto, Galacia, Capadocia, Asia kanhan Bitinia.

1 Pedro 1:1 ပူးပေါင်းရင်းမြစ်များ

Lucas 18:7

Eniapom Neten hata nhan epasmok ma'a apto enenlhet apkeliekieskama apkelienlhaneiakmo la'a apkenmalhnonkoma mota aknem anke kanhan pelhasep, melailhek hata nhan m'a,

Juan 11:52

Have koka nhan vanlha enietsepok Jesús akiaqmoiekha apkennemolhema apankavek judios, koka nhan ma'a enietsepok kakpota eniankesekhok aplhamakho apkellelto Eniapom Neten apketkak apkakhangko lhma nkek ham.

Juan 7:35

Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Hechos 18:2

Apvetangvekho lhnak lhema judio apvesai'a Aquila, apteiaianlha apankek nak ma'a iokhalhma Ponto. Man na nkovenaktemak apvaiam ma'a, aplhelhma lhnak na aptava akvesai'a Priscila, lhna nkeniemai'ak nkolentepok Italia m'a. Apiav'akha apveske lhna apsongkek apvesai'a Claudio apkeleltemo elentepok ma'a lhamakho judios akieto Roma. Ka apmeiekho lhnak Pablo aptema amaika'a m'a akhangkolha,

Hechos 18:23

Iakvatakho lhnak apnema Pablo m'a, ka apkempekho mokhom aplhengama apmeiekho iokhalhma Galacia kakpota nhan Frigia. Ka apkeliatekho lhnak apkellelto nema altamesaikamok kakpota etlhengkesek metka apkelvatesaikamok ma'a.

Hechos 19:10

akvaiakmo hanet iantelhkapa. Lhamakho enenlhet'avok apkelloma m'a iokhalhma Asia, apkelelto judios kakpota nhan griegos, apkellengai'ak nak ania'a aplhenammap Apveske.

Hechos 6:9

Lhema aknem na ntemak ma'a apkelvai'o lhnak enenlhet apkelleniem'o apkaqnekhelha judios akvesai'a Esclavos nema alpaqnemekha, apkelvai'o lhnak na enenlhet ko Cirene, Alejandria, Cilicia kakpota nhan ko Asia, ka ampai'akha lhnak apkellatemommap Esteban ma'a.

Hechos 8:4

Koka apkellelto lhnak nema alhpankeskama m'a, apketlheianveiakmo lhnak ania'a aktaqmanma apkelvaianlha la m'a.

1 Corintios 16:19

Apkellapaskek atlheianma apvalho'ok iglesias apkakhangko nak hengke'e iokhalhma Asia nak, apkellapaskek na atlheianma apvalho'ok Aquila kakpota nhan aptava Pricila, apkellapaskek na atlheianma apvalho'ok akieplomo apvesai'a Apveske engankok iglesia apkaknekha na mota akhaiangkolha nkave nak ha'e.

2 Corintios 1:8

Engelialheng'a, nengeleltavek ennengko'o angeleltennasama ania'a aktemakha lhta nellengaiangko akientalhnema akieto m'a iokhalhma Asia, nientelhek anke lhta m'a, mmaske lhta nelelhievaso, nketlhenke lhta engelvalho'ok angenmaskengvomok kelhaha.

Galatas 1:2

Ko'o kanhan elialheng'a hengke'e nketlhenkek engelvalho'ok aplhamakho iglesias akieto ham Galacia.

Efesios 2:12

Have lhta songkek apkelpasmekha Cristo ketlhengkap lhennenga lhta, ma lhta elpalhaqvaiakmok na ko Israel, mankollapvankek lhta nhan elpasmekhak aknemo mo'ok apvalho'ok lhnak nanek apkenmahai'akha etnangkok ma'a Eniapom Neten kanhan Israel, mankollapvanke lhta nhan etlhevangkok lhema apaivoma apeneskamo Eniapom Neten ellangkok hata nhan ma'a. Apkellomaka lhta nhan metka Eniapom Neten ketlhengkap lhennenga, mamma lhta nhan alel·halhnekama apvalho'ok elvetak aktaqmanma.

Efesios 2:19

Ketlhengkap metnangko nak judios mmaskek aptangko po'ok enenlhet apkelleniemai'a mo'ok apkellavakha, kolhva koka aptangkok apkeltemo lhemek apkelpokkenammap ma'a, aptangko nhan Eniapom Neten apkennemolhema.

2 Timoteo 1:15

Apiavek na lheiap helieniekho lhta aplhamakho Jesucristo apkennemolhema akieto m'a iokhalhma Asia, ka apkelvesai'a lhta moklhem'a m'a Figelo kanhan Hermogenes.

Hebreos 11:13

Apsavhommakpavek nak nanek apkeletsepma nelieihengka'a metlhevaiangkok na qaselha apeneskamo lhnak nanek apaivoma Eniapom Neten ellangkok hata m'a. Koka apkeliamavek nak nanoka nkovak hata m'a, malha koka ntemak apkelvetai'a mokhek ankek ma'a. Apketlhenammakpo lhnak nanek na apankavek malha amaika'a aptaikamok nkotnakha apkellavakha takhalhet lhepop anak ma'a.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 2:11

Ketlhengkap elialheng'a askellamelaiam, have apkellavakha hengke'e lhmankek ham, malha akiakvatakho la apsavhekho apkellangiemhaikama ka ngkanek angvapiosalhkok allanhok askeltemo enmankok aliaspongkomakha nak apvalho'ok, nnaqtevaskaskek songkek apvalho'ok ma'a.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.