1 Corintios 9:5 - Nuevo Testamento Toba Maskoy

⁵ Nietavek na angeliantemok entava la Jesucristo aknemolhema nemmankolha la'a, ka aptaiangkolha lhta nha mota po'ok nema allapaskamo, kakpota nhan apkelialheng'a Apveske, ka nhan Cefas.

1 Corintios 9:5 ပူးပေါင်းရင်းမြစ်များ

Marcos 1:30

Nnengkek nak altennaskamo Jesús ania'a akietnema Simon apepiamong ma'a, nemmaskema akmelhanma aiempehek nak ngkaqhemak ma'a.

Marcos 6:3

¡Ieee! Neliavek ennengko'o ha'e, asota apkellanai'a. María atka m'a, ka apkelialheng'a m'a Santiago, José, Judas kakpota nhan Simon, nkellomaka nhan apkelialheng'a hengke'e nellokha nak —lhna aptaiangkok enenlhet'avok. Mang na songkek enmaiangkok takha Jesús ma'a,

Lucas 6:15

Mateo, Tomas, Jacobo Alfeo apketka, Simon apto celote.

Lucas 8:20

Ka aptemo lhnak apkanemo lhema enenlhet Jesús: —Ngken kakpota nhan apkelialheng'a tep anak pa'at nkeleltavek nkolpaqmetkesek lheiap —lhna aptemak.

Juan 1:42

Ka apiantemakho lhta Andres Simon apnakha Jesús ma'a, lhta aptak Jesús apkano Simon: —Lheiap anak Simon Juan apketka, koka kolhvave nak etnekhak hata apvesai'a Cefas, mo'ok nemaltema toka Pedro —lhta aptak Jesús.

Juan 2:12

Netamen Jesús kanha ngken, apkelialheng'a kakpota nhan apkeltamesaikamok, apkenmeiakho lhta natemma Capernaum, apkakhengvakho lhta akiakvatakho m'a.

Hechos 1:14

Aptaiangkolha lhna mota apkaqnekho apkelelmalhnongkoma m'a kanhan moklhem'a ngkelvana'ak, kanhan ma'a Jesús angken akvesai'a María kakpota nhan apkelialheng'a m'a.

Romanos 16:1

Asmak'ak aleltennaksek lhema aspaioma, enmamok hata takha enialheng Febe akto diaconisa iglesia akieto natemma Cencreas.

1 Corintios 1:12

Lhna lhta aptaiangkok moklhem'a hengke'e: —Ennengko'o nelieplavkasak hengetlhekmoskama Pablo —lhna lhta aptaiangkok ma'a. Koka napokha lhna lhta aptaiangkok: —Ennengko'o koka nelieplavkasak hengetlhekmoskama Apolos —lhna lhta aptaiangkok ma'a. Po'ok na lhta nhan aptaiangkok: —Ennengko'o koka nelieplavkasak hengetlhekmoskama Cefas —lhna lhta aptaiangkok. Aplhamakha lhnak na aptaiangkok: —Ennengko'o koka nelieplavkasak hengetlhekmoskama Cristo —lhna lhta aptaiangkok.

1 Corintios 7:15

Ka aliemhapma la ngkelvana nkoi'askeiam, atava koka apiaskeiam. Netamen apmak'o la eieniok aptava m'a, apvankek ma'a kakpota mmaskek akno apmangka m'a ngkelvana enialheng ngkanek Eniapom Neten apkeltave nkoloka metka akmaska.

1 Corintios 7:39

Ngkelvana apnema nak atava', aliepetkammalhko m'a akvakmo apketsepo atava', netamen ma'a ntakhek metka nema akmaikamok, avanke na nkoteniekhak po'ok atava' apketsepo la'a, koka ntasek na nkoteniama atava' apto la mei'askeiam.

1 Corintios 7:7

Askeltavek niekhe elieplavkesek astemakha nak ko'o, moklhem'a koka nietnak mok aktemakha apkenmopvanka'a apkelanei'o qaselha aniem'o Eniapom Neten.

1 Corintios 7:8

Ka stak ko askellano metka apnaqteiangka'a nak kakpota nhan lhentampak'ak nkelvana'ak anak ham, ntasek meteniankek apnaqteiangka'a, ka stonak ko'o.

Galatas 1:19

Asveto lhta nhan ma'a Jacobo, Apveske lhta apialheng ma'a, ma lhtoka alvetak aplhamakha nema allapaskamo,

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

1 Timoteo 4:3

Ellaksek hata eteniangkok apnaqteiangka'a enenlhet'avok, ellaksek hata nhan etavangkok aptekamok moklhem'a nentomakha la'a, koka Eniapom Neten alhta niekhe apkellanai'a m'a lhamakho nentoma nak kakpota etavangkok apkellelto nak meliaskeiam, apkelioho nak akto have niapak anke, etnangkok na gracias Eniapom Neten.

1 Timoteo 5:2

Eltaqmelkes hata nhan alvaneiam malha aktonak ngken apankek la'a. Eltaqmelkes hata nhan ngkelvana atko'ok malha aktonak apkelialheng'a apankek la'a, mankotsep ankek na apneniek ma'a.

Tito 1:6

Lhema metno apketkok la'a nkaimelhkek etnek metka la aplhenammap, kanhan lhema apak aptava, kanhan apketkak nkotnangkok mankoliaskeiam Eniapom Neten, altakmelkasemmalhkoho kakpota nhan mankotnangkek mankoleliehekho'.

Hebreos 13:4

Eleliehekho ta mota apnaqteiangka'a, etlhengkes hata mota aktaqmanma nkek apkelpathetaikamo mota apnaqteiangka'a ngkanek eiekpelkok hata apkeltemakha Eniapom Neten apkellelto la apkellanaktema kanhan aptevaskama la aliemhapma.