1 Corintios 9:17 - Nuevo Testamento Toba Maskoy

¹⁷ Asto la askeniemai'o ehenkek ko'o asmahai'a altennama ania'a aktaqmanma nak, ntasek na elianmongkesek asmakmekama m'a, koka have lhta ko'o askeniemai'o ehenkek ma'a, askanemmalhka lhtoka atnek aspaieskama ania'a aktaqmanma nak.

1 Corintios 9:17 ပူးပေါင်းရင်းမြစ်များ

Lucas 12:42

Koka lhna aptemak Apveske: —Ka asietkeskama lhkek aplhamakho apkellelto nak malha nema annengkasekama la apiamo panke apkeliehekho aptakha apkanemakha apveske apankok apkeltemo ellangkok aptekamok apketkak neptamen.

Juan 4:36

Etlhevangkok hata akianmoma apkellelto la apkenmakmekama apnaklhekamok akielhna. Ka akielhna nak enenlhet ma'a ngkoitek hata aliennaktema apnenio'ok nkotnengvaianlha nnelha m'a. Nkolpaihekhak hata apvalho'ok lhemek ma'a apkellelto apkenaikamok kakpota nhan apnaklhekamok.

1 Corintios 3:14

Ka alianmolhko la'a pa'at alanemmalhka, elhkak hata akianmoma apto apkelanai'a.

1 Corintios 3:8

Apto apkanma nak kakpota nhan apto apiaskesaikamok apnemo po'ok ma'a, moklhem'a etlhevangko ta akianmoma aktemakha la apkenmakmekama.

1 Corintios 4:1

Elioho ta ketlhengkap, ennengko'o nengelelto hengellasennaikama Cristo vanlha apankek, have koka nentangko neten apankavek, kakpota angetlhekmosangkok ania'a akielhammalhka nak aniem'o Eniapom Neten.

1 Corintios 9:16

Have askammalhko aniem'o askeltennaikama ania'a aktaqmanma, askanemmalhka moiekaksek ma'a, ¡ko'o la ta laie motno la m'a!

1 Corintios 9:18

Koka nema akpaiesekha na mota evalhok ka malha akianmoma asmakmekama, nietave niekhe anmok akianmoma asmakmekama, koka momak'ak ko'o anmok takha m'a.

2 Corintios 8:12

Ka apkellangko la patakkom akieplomo alleklemo apvalho'ok, niekhe ketsek la'a, nlho ka la nhan akiavai'a patakkom aknangkolha la'a, nkollekkasama ta nhan apvalhok Eniapom Neten ma'a.

Galatas 2:7

Apkelvetai'ak apkelemhama apmaniaie nak apto Eniapom Neten heiapaskama kakpota atlhekmoksek ania'a aktaqmanma apieseksek ma'a metka nak aliaqtemenammalhka nekhatko'ok apkellammelhakha, koka Pedro apkapasammap ma'a elhenek apieseksek aknaikamo nak nema aliaqtemenkeskama nekhatko'ok apkellammelhakha.

Colosenses 1:25

Hetneskaskek Eniapom Neten hellasennaikama apkennemolhema apanke nak, heiangkek asmakmekama kakpota altakmelkeskesek apkellangiemhaikama aniem'o aspaieskama ania'a aktaqmanma apankok kakpota eliekpelkok aplhamakho enenlhet'avok lhmankek ham.

1 Tesalonicenses 2:4

Eniapom Neten koka hengelleltemeskeskama kakpota ampaiaksek ania'a aktaqmanma, monteniaiangko' ennengko'o nkolekkasama apvalho'ok enenlhet'avok nentaiangkelha, vanlha koka nenteniaiangkok ma'a nkolekkasama apvalhok Eniapom Neten apto apvetai'o alhnakho nkek engvalho'ok.

Filemon 1:14

koka nkaimelhkek na eiho pankek lheiap, momak'ak aiennaho, vanlha koka askeltavek apmak'akha la etne pankek lheiap.