1 Corintios 9:1 - Nuevo Testamento Toba Maskoy

¹ ¡Apkeliavek niekhe ketlhengkap asto nema heiapaskamo ko'o ngkanek asvetai'avek Apveske engankok Jesús! Ka astemeskesaiangko lhta nhan ketlhengkap Jesucristo apkennemolhema aniem'o aktemeskesaikamok asmakmekama lhta heiasennaikama Apveske, nietavek na alhkak akianmoma asmakmekama ka aptaiangko nak aplhamakha nema allapaskamo.

1 Corintios 9:1 ပူးပေါင်းရင်းမြစ်များ

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 14:14

Neksa apkelvetai'a lhnak Pablo kakpota nhan Bernabe apketlheiakmo nengaqtek enenlhet'avok ma'a, apkeliapteiangko lhnak apkelentalhnema, apkelketameiangko m'a apalhakvaiakmo nhan apieseksek ma'a, apiapqalheiangka lhnak ma'a, lhna aptaiangkok:

Hechos 14:4

Koka enenlhet'avok anak ma'a apkelhpankesammakpek nak ma'a, napokha lhnak apkelieplomak apkelemhama apmaniaie judios kakpota nhan napokha nema allapaskamo.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Hechos 9:17

Ka apmeiekho lhnak Ananias apnakha Saulo, apnengkanvekho lhnak apmeiok takhaplhet ma'a, lhnak aptemak apkanemo: —Eialheng Saulo, Apveske Jesús alhta m'a apvetai'o nak lheiap nalhet amai neksa apmeienta nke'e Damasco, ka heiapaskama ko'o hengke'e kakpota etekha lhma lheiap, elanok na apvalhok Espíritu Santo lheiap —lhnak aptemak Ananias apkanemo Saulo.

Hechos 9:3

Aplhengangkek nak amai Saulo, nengaqtek nak apkeiakmok natemma Damasco, ka akpelapkeskamo lhnak al·halhiengkaiam apkelienmoma aniemai'o lhnak neten.

Hechos 9:5

Ka apkenmalhneiangka lhnak Saulo, lhna aptemak: —Apveske ¿se lha lheiap ke, he? —lhna aptemak. Ka atemmoiangka lhna nema aliatekama m'a, lhna ntemak: —Jesús ko'o ka heiaqmasengka nak lheiap,

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 11:13

¡Ellailho no ketlhengkap metnangko judios! Ko'o asto heiapaskama Eniapom Neten kakpota apaiaksek ania'a aktaqmanma apieseksek ketlhengkap, avanhek ankek askai'o asmakmekama nak.

1 Corintios 1:1

Ko'o Pablo, heiavekama panke lhta Jesucristo kakpota atnek heiapaskamo mota aniem'o nhan apkeltema Eniapom Neten, alhelhma nhan hengke'e eialheng Sostenes.

1 Corintios 10:30

Stemenke mota gracias Eniapom Neten ko'o amanie asmahai'a la atvok astoma, mangkolatsema hetlhenama aniem'o astaseiam alhma.

1 Corintios 11:16

Moklhem'a kelha apieseksek anak ketlhengkap apkenmak'o la helelpaqmetkesakpok ma'a aniem'o mankolleklemo apvalho'ok asketlhekmoskama nak, koka ennengko'o ka nhan aplhamakho iglesias apankok Eniapom Neten nengelieplavkaskek nentaiangkolha engankave nak.

1 Corintios 3:6

Malha askanma lhta ko'o aktek, netamen Apolos alhto ka apiaskesaikamok, Eniapom Neten alhto ka nhan apkaktengkeskama m'a.

1 Corintios 9:19

Have ko'o nema heiasennaikama nema apianmoma, astek koka malha nema heiasennaikama nema apianmoma kakpota alpasmok aplhamakho ketlhengkap nkolhnangkok na meliaskeiam Cristo alienlhanmok na alhamasekha la'a.

2 Corintios 10:7

Moklhem'a lhna mota ketlhengkap apketlheianme mota have niapak apkelpasmekha Cristo, ennengko'o nhan nelpasmekha m'a, iokhalhmek ma'a, nkotlheianvakho ta mota apvalho'ok ma'a.

2 Corintios 11:5

Malha neten apankavek la niekhe m'a nema allapaskama nak apketlheiam netamen ko'o, koka have ko koneng ankek ma'a.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Galatas 5:1

Nne lhta hengelpaqnenkasakho nema hengenmaikama aniem'o lhta m'a Cristo. ¡Elienna toka ketlhengkap kakpota mankolatkeskatanie aiaspo'ok ankok akmahai'a nkolpathetek mokhom!

1 Tesalonicenses 2:6

Ma lhta nhan anteniaiangkok hengeltemeskesek ketlhengkap kanhan po'ok enenlhet la'a neten engankavek ennengko'o.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:11

Heliekieskamo lhta Eniapom Neten kakpota apaiaksek ania'a aktaqmanma nak, hetneskeskamo nhan heiapaskamo apankok kanhan hengetlhekmoskama,