1 Corintios 8:9 - Nuevo Testamento Toba Maskoy

⁹ Koka ellaho ta m'a aptavengko ta napaqtavek nkoliennaktema nak meliaskeiam ngkanek epalesemmak ma'a.

1 Corintios 8:9 ပူးပေါင်းရင်းမြစ်များ

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

1 Corintios 10:24

Mangkolatsema anteniangkok aktaqmanma nellaniemhaikama enganko'ok engankavek la'a, koka ntasek anteniangkok ma'a neltaqmelkeskeskama la apkellangiemhaikama emmo'ok.

1 Corintios 10:28

Koka apkeltennaso la apetek ankok nema akmeskama qaselha akiokha alanemmalhka, metavamonkek ma'a kakpota meietnokhaskesek apvalhok ma'a apto apnemakha, menaqtevaskesek na m'a akietnaikama apaqtek. Evanke niekhe atvok lhamakho aktemakha apetek, koka ntasek na motvek kakpota manghetlhenek asvesai'a ko'o.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

1 Corintios 8:10

Apiavek lheiap qaselha nak, koka apkakhangkek engelialheng'a melioho mokhom aniem'o mankoliennaktema meliaskeiam. Asietkeskama ko, apno la lheiap aptavekha konne pa'at qaselha akiokha alanemmalhka ankok, evak na lhema enialheng nkoiennaktema nak mei'askeiam, etengvak aptavakhelha lheiap ma'a, nkolhenek kelha apvalhok ntasek na etvok apnaqtoskama apetek apkaqhema apkaikamok qaselha akiokha alanemmalhka, etvok hata nhan ma'a, koka nkoietnangko ta apaqtek neksa aptavekha m'a mangkolatsema anto'ok hengke'e.

1 Corintios 8:12

Ka apnaqtevaskeso la lheiap apvalho'ok engelialheng'a mankoliennaktema nak meliaskeiam, malha niekhe nhan aptevaskek na lheiap Cristo.

1 Corintios 9:22

Koka asnemo lhta apieseksek mankoliennaktema nak meliaskeiam Cristo, astemengkek na aptaiangkolha nak ma'a kakpota alpasmok meliaskamek na Cristo. Lhamakho apkellavakha lhma nkek ham asmangkelha la'a, astemengkek na aptaiangkolha m'a kakpota alpasmok elvongkasakpok na tep ma'a.

2 Corintios 11:21

Smangkakkek ko'o asmak'o alhenek kolhvave nak, ennengko'o nlho lhta nhan ntase lhta niekhe antangkok angellanhok aptaiangkolha nak ma'a. Apkelammakpek ma'a aniem'o apkenmakmekama lhta apieseksek anak ketlhengkap, ko'o ta nhan nkalhkok evalhok niekhe heleltaikamok malha anema.

2 Corintios 11:29

Asleng'o la lhema enialheng akmaska apiempek ma'a, ko'o nhan malha akmaska eiempek na stahak, asleng'o la nhan lhema enialheng apiepkonammap m'a, avanhe ntak na sloma m'a.

2 Corintios 6:3

Mongeltemongvaiakmo lhma ennengko'o neksa nelpaieskama ania'a aktaqmanma kakpota melieniekhek aptaikamok meliaskeiam enenlhet'avok netlhekmosekamok alhta.

Galatas 5:13

Apkellavekama lhta Eniapom Neten ketlhengkap elialheng'a kakpota etnokhak metka apkenmammap, koka menmamankek metka apkenmammap anak kakpota ellanangkok qaselha ngkollatsekama mokhom, ntasek koka elpasmo mota po'ok la'a aniem'o apkellasekhai'o.

Colosenses 2:8

Ellaho ta enenlhet apkenmahai'a la eliennengkesek aniem'o apkeliangveiakmo apanko'ok apankave, apkelelpeiveskasekha nhan qaselha nak apkenmopvanka'a ania'a kanhan henganemakha apanko'ok apankavek, koka have aniem'o Cristo m'a.

1 Pedro 2:16

Ketlhengkap mmaskek nema allasennaikama nema apkelianmoma, kolhva koka apvanka'ak apkenmak'akha la ellanangkok qaselhaha, ¡koka ellaho ta m'a, mellanamo nkek ngkollatsekama ngkanek ketlhengkap apkellelto Eniapom Neten apkellasennaikama!

2 Pedro 2:19

Apkeleltennaskek niekhe nhan lhema apaivoma have niapak ankek etnangkokhak hata metka anmaikama mokhom meliamolhma, koka anmaikama niekhe nhan mangiamolhma m'a, nenlhamakho nengelelto nema allasennaikama nema apkelianmoma anko nak qaselhaha akto nhan hengenmaikama m'a.

Apocalipsis 2:14

Koka mankoleklemo evalhok lheiap ketsek ankek qaselha ngkolatsekama apkelanai'a, apkenmaiangko na mota takha enenlhet apkellelto nak mankonmahai'a elvatesangkok hengetlhekmoskama Balaam annenga. Apiateiangko lhnak nanek m'a apkaiangko apaivoma Balac kakpota eliennengkesek ma'a israelitas, eleltennaksek ania'a ellanak etavangkok apkennapekamok apnaqtoskama apkellaikamok qaselha akiokha alanemmalhka nak ma'a, kakpota nhan nelanaktema.