1 Corintios 8:10 - Nuevo Testamento Toba Maskoy

¹⁰ Apiavek lheiap qaselha nak, koka apkakhangkek engelialheng'a melioho mokhom aniem'o mankoliennaktema meliaskeiam. Asietkeskama ko, apno la lheiap aptavekha konne pa'at qaselha akiokha alanemmalhka ankok, evak na lhema enialheng nkoiennaktema nak mei'askeiam, etengvak aptavakhelha lheiap ma'a, nkolhenek kelha apvalhok ntasek na etvok apnaqtoskama apetek apkaqhema apkaikamok qaselha akiokha alanemmalhka, etvok hata nhan ma'a, koka nkoietnangko ta apaqtek neksa aptavekha m'a mangkolatsema anto'ok hengke'e.

1 Corintios 8:10 ပူးပေါင်းရင်းမြစ်များ

Hechos 15:20

Vanlha koka nkaimelhkek annaktalheskesek lhema vakkahak annavesaikama la m'a kakpota menmangvomek ma'a qaselha anko'ok anak nkollekhok akpaiseiam aniem'o qaselha akiokha alanemmalhka ankok ma'a, metnangkek na apkenmensangveiam alhma, metavankek na nentoskama akvaivekamok atsepma nak, metavankek na ema.

Romanos 14:14

Moi'askeiakmok ko'o apveske engankok Jesús, asiave ko'o mamma ngkolatsekama nentoma la napaqtek Eniapom Neten, koka moklhem'a engelialheng'a kelha atlheno la apvalho'ok mangkolatsekama anto'ok mantomakha la'a, ntasek etnangkok apankavek ma'a.

Romanos 14:23

Koka aptavo la apankek aptoma alpeivekha aklheianma apvalhok mangkolatsekama nlho ka la ntasek, eipetkasangkok nahan, koka aptevasekpe pankek apankok apankek ngkanek meieplavkasak mei'askeiam ma'a, koka akto ngkolatsekama nkek ma'a.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

1 Corintios 8:4

Ka aktemakha nak meleltammakpelha nak nlho ka la nhan ntase etavangkok apnaqtoskama apkennapekamok apkellaikamok anak qaselha akiokha alanemmalhka, neliavek ennengko'o qaselha akiokha nak mamma aniemhaikama m'a, mankolhenek nahan. Vanlha koka lhema aphapak apto Apveske, Eniapom Neten apvesai'a m'a.

1 Corintios 8:7

koka moklhem'a enenlhet meliamok ma'a. Lhennenga lhta moklhem'a ketlhengkap apkennapeiangke lhta mota apnaqtoskama apkellaiangko qaselha akiokha apkellanekamok. Ka ngkanek kolhvave nak aptavengko la apetek apkellaikamo nak ma'a, ngvaktaniek atlhenaikama mota apvalho'ok allaiekho m'a apetek anak, aniem'o koka nkoliennaktema atlhenaikama apvalho'ok.

1 Corintios 8:9

Koka ellaho ta m'a aptavengko ta napaqtavek nkoliennaktema nak meliaskeiam ngkanek epalesemmak ma'a.