1 Corintios 7:25 - Nuevo Testamento Toba Maskoy

²⁵ Manheiangkok henganemakha apankok Eniapom Neten ngkelvana'ak metka nak anakteiangka, koka evankek aleltennasangkok ehenkok ehenke, ntasek hellailhoho nkanek asiamolhma ko'o aniem'o apietnai'o neha'at Eniapom Neten.

1 Corintios 7:25 ပူးပေါင်းရင်းမြစ်များ

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 4:2

Envanka'ak na angelvetaskesek enenlhet'avok nentaiangkolha nengeltaqmelkasemmalhko neksa nenmakmekama nenlhevai'a.

1 Corintios 7:10

Aptangko nak nema apnaqteiangka'a askeltavek aleltennaksek henke'e. ¡Moieniavankek atava' ngkelvana! Ka henganemakha nak astakha nak apankok koka m'a Apveske, have henganemakha ehenkok ko'o.

1 Corintios 7:12

Kolhva askeltavek aleltennasangkok ania'a ehenkok ehenke', have aniem'o Apveske, lhema enialheng la'a aptava koka akiaskeiam, akleio la av'alhok nkoipetkama mota m'a, ntasek meienievek ma'a.

1 Corintios 7:28

Koka aliemhapengko la'a, have nhan ngkolatsekama m'a. Lhema ngkelvana metka atava' la'a, nkoteniama atava', have nhan ngkolatsekama m'a. Koka lhamakho aliemhapekamok anak nkolvetak hata akiavai'a akientalhnema aliaihekama aniem'o aliaspongkomakha av'alho'ok anmaikama, moltok niekhe nkollengankok akientalhnema m'a. Ka ngkanek asto nak askellano askellanemakha etnangkok.

1 Corintios 7:34

Malha hanet koka ntemeskasak ma'a aklhenaikama apvalhok aniem'o apmakmeiangkolha la m'a. Nnavek na ngkelvana nak lhentampe kanhan metka atava nak, avanka'ak nkolpokkenkesek aiempeiok kanhan al·hangok kakpota nkonmakmesama Apveske, koka aknema nak atava' ntasek nkolanho mota anmakmekama akhaiangkolha ankave', nkolienlhanmangkok alleltemo nkollekkasama apvalho'ok anakteiangka'a.

1 Corintios 7:40

Koka skanek ko'o tep ankek hata ngkotnek akpaihekha av'alho mota mankoteniekhek atava lhentampe la'a. Evankek ko'o alhenek ehenkok ehenke nkanek apietnek na Espíritu apankok Eniapom Neten evalhok ko'o.

1 Corintios 7:6

Ka askennaveskama lhkek ehenkok ehenke, have henganemakha astakha lhkek askellano.

2 Corintios 11:17

Malha anema la asto nak askeliatekama ko'o, asiave koka nhan Apveske mankoleklemok apvalhok etakneskasangkok apankok apankek enenlhet la'a.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.