1 Corintios 6:2 - Nuevo Testamento Toba Maskoy

² ¡Ketlhengkap hata nhan etnangkok apkeliekpelkemo apkellanekamok ngkollatsekama nlho ka la aktaqmanma aplhamakho enenlhet'avok alhma nkek ham! ¡Nkelietavek na eliekpelkok ketsek la apkellammelhammap apieseksek anak ketlhengkap ham!

1 Corintios 6:2 ပူးပေါင်းရင်းမြစ်များ

Lucas 22:30

Hata antavokhak ma'a, anienangkok nahan nelpasmekha akieto ta m'a astakhelha ta apveske, eniaqhengvomok hata nhan ma'a apkeltanema apkelveskai'e kakpota eleliekpelkoho apkeltemakha m'a 12 apkelpasmekha apketkak neptamen Israel —lhna aptemak ma'a.

Romanos 6:16

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

1 Corintios 1:20

¡Aqhemo m'a apkeliangveiakmo nema nak apkeliangveiakmo, escribas, kanhan apkenmopvanka'a apkelpaqmeiasma etlhenek qaselha nenvanlha nak! Eniapom Neten koka aptemeskesakhak aktaikama nkek ma'a apkeliangveiakmo nak.

1 Corintios 1:21

Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

1 Corintios 6:4

Mankaimelhkak eteniangkok ketlhengkap hengiekpelkemo niapom nkotno iglesia ankok ma'a kakpota ellaneskasekhak apkellammelhammap la ham.

2 Corintios 4:18

Ka nkanek mangelammelhek neksa nellengaiangko akientalhnema nalhepop anak ngkanek nkomaskengvomok hata m'a, ntasek koka aniavenkasok atlhenaikama engelvalho'ok qaselha mongelvet'o mokhom, koka neliavek have niapak ankek nkovak hata m'a, mankomaskengvomek hata nhan ma'a.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".