1 Corintios 6:15 - Nuevo Testamento Toba Maskoy

¹⁵ Askeltavek eliangvomhok ketlhengkap apkeliokha nak malha nhan Cristo apiokha. ¿Ntase nlho nkoipetkak apkeliokha nak, aliokha ngkelvana'ak allanaktema, he? ¡Ma, mangkolatsema m'a!

1 Corintios 6:15 ပူးပေါင်းရင်းမြစ်များ

Lucas 20:16

Have niapak ankek ma'a ennapvetak hata apkenmakmesaikama meliamolhma lhkek kakpota ellangkokhak aniep po'ok enenlhet —lhna aptemak. Koka lhna aptaiangkok apkellelto apkellengai'a m'a: —Ma', metnek ma'a —lhnak aptaiangkok ma'a.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

Romanos 3:31

Ko la aktemakha atlheianma apvalho'ok ketlhengkap, ¿mongiaskeiam anak mmaskeske nlho akiennaktema ley anak, he? ¡Ma! Ka mongiaskeiam anak hengeliangveskeskakmek ley anak akto aktaqmanma m'a.

Romanos 3:6

koka mankoietok etnangko niekhe m'a. Apto la mepeivomo Eniapom Neten, mankapvankek na eliekpelkok apkeltemakha aplhamakho enenlhet'avok halhma nkek ham.

Romanos 6:15

Hai', mmaskek nellava koneng ley, kolhva koka nelloka koneng aktaqmanma nak hengellanei'o Eniapom Neten. ¿Ntase nlho niekhe angellanangkok mokhom ngkollatsekama, he? ¡Ma', mankoietok ma'a!

Romanos 6:2

¡Mma'! Mmaskek nellanengko ngkollatsekama, mankoietok angelieplavkesek mokhom nellanekamok ngkollatsekama.

Romanos 7:13

Kelha ngkotnek atlheianma apvalho'ok ketlhengkap have aktaqmelo henganemakha nak ngkanek nlhenkek anmatnekha nelan'o la ngkollatsekama, kelha ngkotnek atlheianma apvalho'ok ma'a. Koka mankoietok etnangkok ma'a, koka akto hengeliantemekha nengetsepmakha akvesai'a nak ngkollatsekama, akto nhan hengeliatekamok kakpota angellanangkok qaselha ngkolatsekama, hengeliekaskama nhan henganemakha akto niekhe nhan aktaqmelo. Atlhenkeskekho nhan engelvalho'ok mangkolatsekama nkek ma'a ngkolatsekama nak nelanai'a.

Romanos 7:7

Nketlheianmek kelha apvalho'ok ketlhengkap akto ngkollatsekama ley anak, koka have niekhe m'a, vanlha koka niekhe hengaskama qaselha ngkolatsekama m'a. Ma lhta angeliamok sekhe lhta ennengko'o mangkolatsekama atsepaikama nak enneniek, koka akvai'o henganemakha, lhta ntak hengellano': «Mellanamo nke mota qaselha nak alletsepaikamo mota apnenio'ok», ka ntema mota m'a.

1 Corintios 11:3

Kolhva koka smak'ak alelpeiveskasekhak ketlhengkap, Cristo apto malha apqatek apkenno la'a, apkenno koka malha apqatek ngkelvana la'a, Eniapom Neten koka malha apqatek Cristo

1 Corintios 12:27

Ka apkelpasmekha nak ketlhengkap malha ntakhak apiokha nak Cristo, moklhem'a annangkok mok aktema apkenmakmekama apketlhevai'a.

1 Corintios 6:13

Ka aptaiangkok na apketlheianma enenlhet'avok: —Nentoma ankok ankek envakmo, kakpota nhan envakmo' ankok ankek nentoma —ka aptaiangko mota m'a. Koka Eniapom Neten hato ka enaqtevasekhak ma'a hanet anak. Koka neniokha nak have antek ankok nenmensangveiam alhma', koka neniokha nak ankok ma'a Apveske, kanhan Apveske apankok neniokha nak.

1 Corintios 6:17

Ka apkellelto nak apkelpasmekha Apveske, malha lhema ntokhak na apvalho'ok ma'a.

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

1 Corintios 6:3

Angeliekpelkok hata nhan ángeles ma'a, tep anke lhmok mankomanieme angeliekpelkok nelammelhammalhka la hengke'e nalhepop anak.

Galatas 2:17

Apnek kelha enenlhet hengetlheianma la nengelto ngkollatsekama nellanekamok ngkanek nengeleltavek hengeltemeskesek nengelpeivomo vanlha apankek aniem'o Cristo, koka mankoietok aptakha aplheianma m'a, have aniem'o Cristo hengeltemeskeskama nellanekamok ngkollatsekama ¡Mamma nkek na m'a!

Galatas 3:21

¡Molhenak ko'o ley anak ammelhma apaivoma apeneskamo lhnak nanek Eniapom Neten ellangkok hata, have niapak molhenak ma'a! Vanlha alhenak ko ley anak mankavankek hengankok akiennaktema enneniek ka ngkanek mankavankek na hentemeskesek nempeivomo.

Galatas 6:14

Vanlha koka ko'o anmalhko evalhok aniem'o Apveske engankok Jesucristo apto lhta apketsepma neten iamet aktenneskama, ka nkeniemai'ak astaqnongvekho qaselha ngkollatsekama neniava nak, kanhan hetaqnongvekho m'a neniava nak.

Efesios 4:12

Apketsavheskeskakme lhta nhan apkeliangveskeskaiakmo m'a apkellelto apkelpokkenammap kakpota etnangkok apkellasennaikama, kakpota enmakmesama elvanengkeskesek malha apiokha m'a Cristo,

Efesios 5:23

ngkanek atava' malha apto apqatek lheia' m'a, nnavek na Jesucristo apto nhan malha apqatek iglesia, iglesia nak malha apioha nak Cristo, apto nhan apkelvongkeskama tep ma'a.

Efesios 5:30

ngkanek iglesia malha apiokha m'a, ennengko'o koka nentangkok malha nekhatko'ok apiokha nak ma'a Cristo.

Colosenses 2:19

Ka enenlhet'avok anak ma'a have apkellelto apkelpasmekha Cristo apto nak malha apqatek, apkellaikamok na aptekamok apiokha apkelvanengkeskama la'a, apkelelto nak apkennemolhema. Cristo apkelpasmekho nhan ma'a apkennemolhema apanke, malha aktonak apiokha nak lhema enenlhet nnankek alpasmekha alietetakha kanhan ahak kakpota nkovanamok ma'a apkeltemakha nhan ngkotnek Eniapom Neten.