1 Corintios 6:11 - Nuevo Testamento Toba Maskoy

¹¹ Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

1 Corintios 6:11 ပူးပေါင်းရင်းမြစ်များ

Lucas 18:14

Ka apeneskamo lhnak apietkeskama Jesús ma'a, lhna aptemak apkellanemo enenlhet'avok: —Have niapak ankek Eniapom Neten elhenek hata apto apeivomo apkenmama lhkek takha patakkom impuesto ankok, have koka m'a fariseo lhkek. Enenlhet apkeleltammakpo neten apankavek, ngkolhek hata altemeskesakho koneng. Koka enenlhet apkeltaikamok koneng anke, neten apankavek hata ngkolhek altemeskesakho m'a —lhna aptemak Jesús.

Juan 13:10

Koka lhta aptak Jesús: —Enenlhet mankovanko la apielhvatema iemmen, apmop'avek mokhom ma'a, vanlha koka apmanko'ok nkaimelhkak nelienieskeskama. Apkenmopei'o ketlhengkap, koka have aplhamakho —lhta aptak.

Juan 13:8

Lhta aptak mokhom Pedro: —Ma', mongvasekhe nlho nkek elienieksek emankok lheiap —lhta aptak. Ka apkatemmongka lhta mokhom Jesús, lhta aptak: —Mang hata nkek eltak lheiap, mankapvankek hata heieplomaha —lhta aptak.

Hechos 22:16

Hai, eniaqheta mota apteniai'a nema aklavkeskama konne iemmen, nkalhnakse ta ngkollatsekama apvalhok, evenama ta apvesai'a Apveske m'a", lhta aptak heiano m'a Ananias.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Romanos 3:24

Avanhek aktaqmanma hengellanei'o Eniapom Neten, apkapaskamo lhta Jesucristo kakpota hengel·hatsoskasangkok malha hennaktetema mongeliamolhma, hengeltemeskasekho lhta nhan nengelpeivomo napaqte Eniapom Neten ma'a, metka akianmoma.

Romanos 4:5

Koka Eniapom Neten mo'ok aktema, mankaimommalhka henmakmesama sekhek kakpota hentemeskesek nempeivomo, apmaskeskek na mangeliamolhma aniem'o moniaskeiam, have aniem'o nelanai'a aktemakha aklheianma ley.

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

Romanos 5:9

Kolhva koka hengeltemeskeskamak nengelpeivomo Eniapom Neten aniem'o apketsepma Cristo, have ta nha niapak ngkotnek hengelvongkesek tep ma'a akvo'o ta aknem nengeliekpelkammalhkelha.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

Romanos 8:33

Mamma apketlhenammap la apkellelto nak Eniapom Neten apkeliekieskama, ngkanek Eniapom Neten apto apkeltemeskeskama apkelpeivomo m'a.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 12:2

Meltaiankolha lhta ketlhengkap meliaskeiam apkellaiangkave lhta aliateiangko apvalho'ok kakpota eltakneskasangkok ma'a qaselha akiokha alanemmalhka metka akmovana nak kanhan mankoliatongkoma.

Galatas 2:16

Koka neliavek ennengko'o have hengeltemeskeskama nengelpeivomo m'a aniem'o nelieplavkeskama ley, vanlha koka aniem'o m'a mongeliaskeiam Jesucristo. Ennengko'o nhan mongeliaskakmok Jesucristo ka nkeniemai'ak nemo nak hengeltemeskeskamo nengelpeivomo m'a, have aniem'o m'a nelieplavkeskama ley ngkanek mamma enenlhet aktemeskeskama la apeivomo m'a aniem'o ley anak.

Galatas 3:11

Ka akto nak ma'a, mankavankek ley nkotneskesek apeivomo lhema la enenlhet, ka ntemak na vakkahak Eniapom Neten apaivoma: «Enenlhet apeivomo ngkoitek hata akiennaktema apneniek aniem'o mei'askeiam».

Galatas 3:24

Ka ley anak malha hengetlhekmoskama, hentaqmelkeskama nhan aktemakha neksa nellaniemhaikama m'a akvakmo apvo'o Cristo, kakpota hengeltemeskesangkok nengelpeivomo aniem'o mongiaskeiam.

Galatas 3:8

Alhnakho nkek aklheianma vakkahak Eniapom Neten apaivoma ngkolhek hata altemeskaso apkelpeivomo metnangko nak judios meliaskakmo la Cristo, lhnak na nek aptemak Eniapom Neten apkanemo Abraham: «Lhamakho enenlhet'avok metnangko nak judios ngkolhek hata altakmelkaskeso apkellangiemhaikama m'a aniem'o lheiap», ntemak ma'a.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

Efesios 5:8

Lhennenga lhta nhan ketlhengkap apkellomaka ienaqtesakha lhma, kolhva koka apkelloka malha atsak'elha lhma aniem'o apkelpasmekha Apveske. ¡Etnamok hata malha atkak apommatema nak!

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 10:29

Tep ankek hata ngkotnek akietemo nkek nema akiaqmongkasekha aptemakha enenlhet apto la aptaqnongkoma Espíritu hengamelaiam aniapom, apto la nhan apvannaikama Eniapom Neten apketka, aptaqnongkoma nhan ema apanko lhta apiangkenammalhka kakpota nkotneskesek apokkenammap ma'a. Ka ema apanko lhta akiangkenammalhka kakpota ngkovomok ma'a annemo mo'ok apvalho'ok apkenmahai'akha ta etnangkok ma'a Eniapom Neten kanhan enenlhet'avok.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,

1 Juan 2:12

Asnaktalheskaskek vakkahak anak hengke'e ketlhengkap eietkak apketkok, ngkanek nne lhta aktemeskesangkankek apkellanekamok ngkollatsekama aniem'o m'a apvesai'a Jesucristo.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Apocalipsis 7:14

—Ma', lheiap koka apiave —lhta stak askatemmongka m'a. Koka lhta aptak mokhom heiano: —Koka enenlhet'avok anak hengke'e apkellelto lhta apkelvetaiangko akientalhnema, malha apkelieniesekamok apkelentalhnema kakpota enmopekhak ma'a aniem'o lhta ema apankok Nepkesek Apketkok.