1 Corintios 6:1 - Nuevo Testamento Toba Maskoy

¹ Ketlhengkap elialheng'a, ¡meteniamo nkek hengiekpelkemo niapom meiho nak Eniapom Neten kakpota enmaskeskesek apkelammelhammap akietno la apieseksek anak ham! Ntasek koka ellanekha apankavek ketlhengkap apkelpokkenammap asongke.

1 Corintios 6:1 ပူးပေါင်းရင်းမြစ်များ

Hechos 19:38

Vanlha Demetrio kakpota nhan apkenmakmekamo lheme nak apkellelto apkeltaknongkoma m'a, koka ntase enmeiakhak napaqtavek hengiekpelkemo niapom kakpota ellanekha apankavek ma'a.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 14:33

ngkanek mankolkok apvalhok Eniapom Neten neksa akiennoma lhma la'a, koka akleklemo apvalhok ma'a altaqmelaikama engvalho'ok anak. Ntasek elieplavkesek nentaiangkolha na mota aplhamakho iglesias apkellelto apkelpokkenammap,

1 Corintios 16:1

Koka kolhvave nak asmak'ak aleltennasangkok aktemakha patakkom na lhta apkellankesaikokha ham kakpota elapaskesek apkelpokkenammap ma'a, ntasek etnangkok ma'a astakha lhta asketlhekmosekamok askeltemo lhta ellankesokhak iglesias akieto m'a Galacia.

1 Corintios 16:15

Apkeliavek ketlhengkap apketkak anak Estefanas akieto Acaya, aptangko lhta apmaniaie apankavek apkenmaikamok takha ania'a aktaqmanma m'a, koka mokhom apketlhengkeskama aptaikamok apkellasennaikama apkellelto apkelpokkenammap ma'a.

1 Corintios 5:12

Mankoietok ko'o atlhenek aktaqmanma aptaiangkolha nlho ka la ngkolatsekama enenlhet'avok anak metnangko nak Jesucristo apkennemolhema, Eniapom Neten hato ka etlhenek ma'a. Koka apvanka'ak ketlhengkap etlhenek altaqmanma aptaiangkolha nlho ka la ngkolatsekama Jesucristo apkennemolhema lhemek ham apieseksek anak, ka ngkanek ntasek elentepkesek enenlhet ngkolatsekama nak aptemakha.

1 Corintios 6:5

Enmankangvom koka aptaiangkolha nak ¿Mamma nlho apieseksek anak ketlhengkap lhema enialheng apmopvana la eiekpelkok apkelanai'a ngkolatsekama nlho ka la aktaqmanma kakpota emaskeksek ma'a, he?