1 Corintios 4:6 - Nuevo Testamento Toba Maskoy

⁶ Ketlhengkap elialheng'a, ka stakha lhkek askellano aspaioma kakpota nkoltaqmelkeskesek apkellangiemhaikama ketlhengkap ham ¡Elieplavkes hata nhan ketlhengkap nentaiangkolha nak Apolos kanhan ko'o! Mongeliekak ennengko'o henganemakha aktalhesammalhka. Moliephesamankek ketlhengkap ellakpok ma'a, eltemeskesentak na koneng po'ok la'a.

1 Corintios 4:6 ပူးပေါင်းရင်းမြစ်များ

Hechos 18:24

Apvekho lhnak na temma Efeso lhema judio apvesai'a Apolo, iokhalhma Alejandria lhnak apkeniemai'ak ma'a. Apvanke pankek nak elpengkamok enenlhet'avok ngkanek avanhek nak apiangveiakmo Vakkahak Eniapom Neten Apaivoma.

Hechos 19:1

Neksa apnema lhnak Apolo m'a akieto Corinto, Pablo lhnoka apiekai'ak iokhalhma metaimong avhak, apvekho natemma Efeso. Koka m'a apvetangveiakmo lhnak apentalhnema nema altamesaikamok ma'a,

Romanos 12:3

Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

1 Corintios 1:12

Lhna lhta aptaiangkok moklhem'a hengke'e: —Ennengko'o nelieplavkasak hengetlhekmoskama Pablo —lhna lhta aptaiangkok ma'a. Koka napokha lhna lhta aptaiangkok: —Ennengko'o koka nelieplavkasak hengetlhekmoskama Apolos —lhna lhta aptaiangkok ma'a. Po'ok na lhta nhan aptaiangkok: —Ennengko'o koka nelieplavkasak hengetlhekmoskama Cefas —lhna lhta aptaiangkok. Aplhamakha lhnak na aptaiangkok: —Ennengko'o koka nelieplavkasak hengetlhekmoskama Cristo —lhna lhta aptaiangkok.

1 Corintios 1:19

Ka ntemak na aktalhesammalhka vakkahak Eniapom Neten apaivoma hengke'e: «Anaktevaskese ta apkeliangveiakmo nak nema nak apkeliangveiakmo, aihengekhak hata nhan apkeliamo apanko'ok apankavek nema nak apkeliamo», lhna ntemak ma'a.

1 Corintios 1:31

Ka ntemak na aktalhesammalhka Eniapom Neten apaivoma: «Enenlhet apmak'o la etnek apkammakpo, ntasek eniakpok aniem'o apasmekha mota Apveske».

1 Corintios 13:4

Enenlhet akietno la apkasekhai'o po'ok, emankok apvalhok aptevasekpo la m'a, apiamo lhma apankek nahan, metka apiasepkeskama po'ok, metka aplhenaikama aktemakha apiangveiakmo kakpota nhan metka akiephesekama apkammakpo.

1 Corintios 3:19

Aktaikama nkek ma'a napaqtek Eniapom Neten nenianveiakmo nak aniem'o engankok enganke. Ka ktemo nak aktalhesammalhka Eniapom Neten apaivoma hengke'e: «Aptemeskaskek Eniapom Neten nema nak apkeliangveiakmo nkonmok al·hanemmalhka aniem'o apkeliangveiakmo apanko'ok apankave».

1 Corintios 3:21

Ka ngkanek ntasek mellakpek etlhenama enenlhet apankek la'a, nkanek apanko'ok ketlhengkap lhamakho qaselha.

1 Corintios 5:2

Apkelammakpe mota ketlhengkap apkelanei'o m'a enenlhet anak, koka nietavek nkolaioseskesek apvalho'ok, elentepkesek na m'a enenlhet anak aptevasekha iama ngken.

1 Corintios 5:6

Mangkolatsema ellakpok ketlhengkap aktakha qaselha apieseksek anak ham, maniamolhma nak malha niekhe alena apiepheskama nak, ketsek niekhe nengankai'a, koka apiephakhavek ma'a.

1 Corintios 8:1

Kolhva smak'ak aleltennaksek aktemakha apkennapekamo mota apnaqtoskama apkellaikamok anak qaselha akiokha alanemmalhka, apkelammakpe mota ketlhengkap apketlheianmo m'a apkellanemo eliohok ma'a. Koka nenianveiakmo nak nkeltemeskeskangkek aliephesekama apkenmahai'a elakpoho, koka nengasekhai'o nak nkeltaqmelkeskeskangkek apkellaniemhaikama.

1 Corintios 9:23

Lhamakho qaselha aktemakha nak askellanai'a kakpota nkotaqmelek ma'a ania'a aktaqmanma nak, kakpota nhan angvetsevaso ko'o aniem'o m'a.

2 Corintios 10:12

Moklhem'a ketlhengkap apkelietkesakpek po'ok melhnemo, apketlhenkek na aptangko neten apankavek, koka malha metka apqatko'ok la ketlhengkap ma'a, ennengko'o koka manghengeliaqvakmok antangkok ma'a.

2 Corintios 10:15

Askeleltennaskek lhek mangeleltemo angellalhkok angetlhenek nenmakmekama, po'ok enenlhet la apmakmekama, mankoietok antek ma'a. Vanlha toka angelleltok hata ngkeskama la nenmakmekama apieseksek anak ketlhengkap akvengke panko ta aptaikamok meliaskeiam ketlhengkap ham, metka koka neliekai'a apkenmakmekama po'ok enenlhet la'a.

2 Corintios 10:7

Moklhem'a lhna mota ketlhengkap apketlheianme mota have niapak apkelpasmekha Cristo, ennengko'o nhan nelpasmekha m'a, iokhalhmek ma'a, nkotlheianvakho ta mota apvalho'ok ma'a.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

2 Corintios 12:19

Ketlhengkap elialheng'a askellamelaiam, nkotlhenek hatelha apvalho'ok nellasennammalhka engankoie napaqtavek ketlhengkap, mankaimelhkak antangkok ma'a ngkanek vanlha mota nenteniankok angeltakmelkeskesek apkellangiemhaikama ketlhengkap ham aniem'o nengelelto nengeliamolhma nellasennaikama Cristo, apiavek Eniapom Neten akto have niapak ankek alheianma nak.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

2 Corintios 12:6

Have malha anema alhko la evalhok ko'o aniem'o qaselha hempelapkeskama asvetai'a, koka mankonmahai'ak atnek ko'o anmalhko evalhok ngkanek ellengak enenlhet nkotlhenek apvalho'ok asto neten ehenkek ko'o, koka moltak ko'o nkotlhenek apvalho'ok enenlhet'avok anak.

2 Corintios 4:15

Lhamakho nellengaiangko nak akientalhnema nelvetai'a aniem'o nelienlhanmekamok kakpota nkoltaqmelkeskesek apkellangiemhaikama ketlhengkap ham, etlhevangkok hata nhan aktaqmanma nke nak apkellanei'o Eniapom Neten. Ka aplhamengko la enenlhet ma'a, netamen elhamangkok hata nhan aptaikamok gracias Eniapom neten ma'a, nkotlheianvakhok hata nhan apvalho'ok Eniapom Neten apto akietnema akiavai'a apmopvana.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

1 Tesalonicenses 1:5

Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.