1 Corintios 4:5 - Nuevo Testamento Toba Maskoy

⁵ Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

1 Corintios 4:5 ပူးပေါင်းရင်းမြစ်များ

Lucas 6:37

Lhna aptemak mokhom Jesús apketlhekmoskama: —Meliekpelko nkek aptemakha la po'ok, kakpota nhan mangkolhek hata aliekpelko aptaiangkolha ketlhengkap. Metlhen na apselhnanemmap po'ok kakpota nhan mangkolhek atlheno apketselhnanemmap ketlhengkap. Eltemeskesama ta apankavek ketlhengkap apnaqtevasko la po'ok, kakpota nha ngkolhek aktemeskesangkankek ngkollatsekama apkellanekamok ketlhengkap.

Juan 21:22

Ka apkatemmongka lhta Jesús ma'a, lhta aptak: —Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a, lheiap koka heieplomaha —lhta aptak Jesús.

Juan 21:23

Lhta ngkanek nkopaihek ania'a apieseksek apkelieplekama Jesús menietsepek hata m'a apkeltameskama nak. Ma lhtoka nkotnemak niekhe aplheianma Jesús ma'a, lhtoka aptema niekhe apkanemo Jesús hengke'e: "Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a", lhtoka niekhe aptemak Jesús ma'a.

Juan 5:44

Mankollapvankek nkolhnangkok meliaskeiam ketlhengkap ngkanek vanlha mota apteniaikamok eleltangko mota enenlhet apkeliamolhma ketlhengkap. Meteniaiangkok na apketlheianma la Eniapom Neten apto apveske vanlha lhema aphapak apanke etlhenek apkeliamolhma ketlhengkap ma'a.

Romanos 14:4

Mankoietok eliemetkasama ketlhengkap nkotno apkenmakmesaikama, koka apveske apanko'ok anak ma'a apvankek etlhenek ngkolatsekama apkenmakmekama nlho ka la aktaqmanma. Koka ntasek hata ngkotnek apkenmakmekama m'a aniem'o apasmoma Apveske.

Romanos 2:1

Mankoietok lheiap elhenek po'ok apselhnanemmap, malha aptevasekpek na apankek lheiap ma'a ngkanek apkelan'ak na qaselha ngkolatsekama lheiap.

Romanos 2:16

akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.

Romanos 2:29

Koka judio apankek ma'a apto akietnema apvalhok malha akiaqtemenammalhka nekha tkok napaqtek Eniapom Neten aniem'o m'a Espíritu, have aniem'o henganemakha nak Moises. Ka enenlhet anak emok hata takha m'a Eniapom Neten, niekhe apkeltaknommap anak aniem'o enenlhet.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

1 Corintios 1:7

Hai, apkellangke lhta Eniapom Neten aklhamakho apkenmopvanka'a, kolhva koka mamma alaimelhkelha qaselha neksa apkelel·halhanma apteiapvo'o ta apveske engankok Jesucristo.

1 Corintios 11:16

Moklhem'a kelha apieseksek anak ketlhengkap apkenmak'o la helelpaqmetkesakpok ma'a aniem'o mankolleklemo apvalho'ok asketlhekmoskama nak, koka ennengko'o ka nhan aplhamakho iglesias apankok Eniapom Neten nengelieplavkaskek nentaiangkolha engankave nak.

1 Corintios 11:26

Ka ngkeniemai'ak apkelpasmakho la mota aptekamok pan kakpota nhan apienaikamok vino, etlhene mota apketsepma lhta Apveske, ellanamo ta m'a akvakmo aknem apvektanlha ta.

1 Corintios 15:23

Apmanie aplhatekhangveiam alhta Cristo ngkanek apto neten apankek ma'a apiaspommap, netamen apvaktamo ta mokhom ma'a, enaklhatekhangvomok hata m'a apkellelto nak apkennemolhema apankave nak.

1 Corintios 3:13

Netamen, akvo'o ta aknem neliekpelkammalhkelha, talha ta nkoliekpelkok aktemakha apkellanekamok pa'at anak ma'a, aktaqmanma alanemmalhka, nlho ka la ngkolatsekama.

1 Corintios 3:14

Ka alianmolhko la'a pa'at alanemmalhka, elhkak hata akianmoma apto apkelanai'a.

1 Corintios 3:8

Apto apkanma nak kakpota nhan apto apiaskesaikamok apnemo po'ok ma'a, moklhem'a etlhevangko ta akianmoma aktemakha la apkenmakmekama.

2 Corintios 10:18

Koka akhemo m'a angelalhkok enganko'ok engankavek, ntasek koka Apveske nak nkalhkok apvalhok aniem'o nenmakmesaikama m'a.

2 Corintios 10:9

Have asmahai'a annelhtengkesek neten ketlhengkap asnaktalheskeskamo nak, motlhenanke apvalho'ok aktonak ma'a.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

2 Corintios 5:10

Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.

1 Tesalonicenses 5:2

apkeliavek ketlhengkap ngkotnek hata akpelapkeskama apvaktamo ta Apveske hengke'e, malha enenlhet la apmenielhma akpelapkeskama apvai'a la pelhasep.

Hebreos 4:13

Lhamakho qaselha apkelentepkeskama lhta Eniapom Neten mankollavankek nkolielhanenkesek napaqtek ma'a, apvankek etak lhamakho qaselha iokhalhmek ankek, angetlhene mota angelleltennaksek na nentaiangkolha napaqtek ma'a.

Santiago 4:11

Elialheng'a, melvannamankek po'ok apieseksek anak ketlhengkap ham, meliekpelko nkek nahan. Ka aptangko la ketlhengkap ma'a, malha nhan aptangkok apkelvannaikama ley, apkeliekpelkek nahan. Mangkolatsema etnangkok ketlhengkap ma'a ngkanek have hengiekpelkemo niapma'ak ketlhengkap, vanlha enenlhet apankavek apvanka'ak eleliehekhok ma'a.

Santiago 5:7

Ketlhengkap elialheng'a, ellaielh hata aknem metka apkelpekheskama apvektanlha ta Apveske, malha aptonak ma'a aniep aniapom la'a metka apekheskama nak apkelailhema aknem akmamai'akha nak kakpota nhan netamen enaklhek akielhna m'a.

Santiago 5:9

Ketlhengkap elialheng'a, melentepkasama nkek apkelvesai'a po'ok la'a ngkanek ketse nkaimelhkak apvektanlha ta hengiekpelkemo niapom, hata eliekpelkok apkeltemakha ketlhengkap ma'a.

1 Pedro 1:7

Koka aliepkonma nak akmahai'a nkotalhka aknangko nlho aliennaktema meliaskeiam, nlho ka la nkoliennaktema meliaskeiam. Malha talha nak akmahai'a nkoiekpelkok oro nke nlho ka la nhan have oro nke. Hai, apkelvaskapo la ketlhengkap neksa akvai'a aliepkonma, koka nnankek ketlhengkap meliaskeiam akto neten ankek akmennave nkoie' mangkolhnok ma'a oro nak akmovana nkomaskengvomok. Hata apvaktamo ta Jesucristo eliavenkeskasama ta apkelvesai'a ketlhengkap, eltemeskesek hata nhan neten apankavek, ellahok hata nhan ma'a.

1 Pedro 5:4

Netamen apvaktamo ta m'a Apveske apanko'ok apkellanekama nepkesek, etlhevangkok hata akianmoma apkennaksepma apkelelhnekha apkatko'ok metka aktepelkammalhka nhan ma'a.

2 Pedro 3:12

Eliavenkaso ta apkelel·halhanma nkovak aknem apkeliekpelkemelha Eniapom Neten aplhamakho enenlhet'avok, nkonietek hata neten anak, nkolpaihekhak hata nhan qaselha aknaiangko nak ma'a aniem'o talha alpaiesekha'.

2 Pedro 3:4

hata etnangkok ellanak ketlhengkap heng: "Ieee, malha apmopvana ania'a aplheianma Cristo evatak hata, apkeletsepaiakmek eniapma'ak, nheklhe mota aktemakha nellaniemhaikama ampai'o lhnak nanek nemo alanei'o lhmankek ham akvakmo nenvanlha nak", hata etnangkok apkelvannaikama m'a.

Judas 1:14

Enok koka apto lhnak 7 apkeniem'o Adan aptavana'ak neptamen, apaiesaiangka lhnak ania'a sekhek ankek elvakha ta m'a enenlhet'avok meliamolhma nak, lhna aptemak: «Ngvet'ak lhek ehaqtek Apveske apkelhiakmo m'a, apketlhelhma'ak koka apentalhnema apanke apkelpokkanma

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

Apocalipsis 20:12

Askelvet'o lhta nhan apkeletsepma lhta, apkeliav'o, apketkeietse apkelanvakhe lhta m'a naqtek aptanema apveske. Netamen alhta m'a akno anmaiesakho vakkahak, netamen na mo'ok vakkahak akiennaktema enneniek ankok. Nne lhta alietsato vakkahak kakpota ngkolhek aliekpelkok apkeltemakha ngkollatsekama nlho ka la aktaqmanma m'a neksa apkelaniemhaikama lhta nalhepop.