1 Corintios 4:10 - Nuevo Testamento Toba Maskoy

¹⁰ Netlhenalhkek na ennengko'o metka enqatko'ok aniem'o nellasennaikama Cristo, ketlhengkap koka apkeltemeskaskek Cristo nema apkeliamo. Netlhenalhkek na ennengko'o nengelelto mongeliennaktema, ketlhengkap koka apkeliennaktema. Manghengellak'ok na enenlhet'avok, ketlhengkap koka apkellak'ok ma'a.

1 Corintios 4:10 ပူးပေါင်းရင်းမြစ်များ

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

Lucas 18:9

Apkelpaqmetkesaikama lhnak Jesús enenlhet'avok apkeleltammakpo apankavek apkelpeivomo kanhan apkelvannaikama po'ok, lhna aptemak Jesús apietkeskama:

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 17:32

Neksa apkellengai'a lhnak enenlhet'avok aktemakha nennaklhatekhangveianlha apieseksek apkenmaskengvaiakmo, ka apkeliematkesaiangka lhnak Pablo m'a, lhnak aptemak po'ok: —Mo'ok aknem hata angetlhengkasekhok mokhom nellailhemo aktemakha aplheno nak lheiap —lhnak aptaiangkok ma'a.

Hechos 26:24

Koka lhna aptemak Festo apiennakteskamo apaivoma m'a, lhna aptemak: —Pablo, malha anema lheiap aniem'o lhamakho apiangveiakmo —lhna aptemak.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

1 Corintios 1:21

Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 1:25

Niekhe moklhem'a enenlhet atlhenaikama apvalho'ok taikama nkek ania'a nak, koka akto neten ankek nema akiamo m'a, mamma enenlhet etnek ma'a aptemakha nak Eniapom Neten apkelanai'a. Niekhe moklhem'a enenlhet atlheianma apvalho'ok nkoiennaktema apiempek Eniapom Neten, koka have m'a, apiennaktema apankek ma'a, mamma enenlhet elhohok ma'a.

1 Corintios 10:12

Niekhe enenlhet mankolheianma nak apvalhok metieme, ¡eniaho toka m'a, etiemok kelha nhan lheiap!

1 Corintios 2:14

Koka mangkollapvankek eliangvomhok ma'a apkellelto nak metka Espíritu apankok Eniapom ngkanek aktaikama ankek apkellanemak ma'a, vanlha koka apvankek iehangvomhok ma'a apietno la Espíritu apankok anak Eniapom Neten.

1 Corintios 2:3

Asketlhekmoske lhta napaqtavek ketlhengkap nalhepek evalhok kanhan ai'o enneniek anvapsongkesek asmakmekama.

1 Corintios 3:18

Apno la apieseksek ketlhengkap apkanema la nkoietnak apiangveiakmo apankok apanke', apiennengkasekpe pankek na m'a enenlhet anak, ntasek eihangvakhok apankok apanke apto meihangveiakmo, netamen hata m'a nkovak aptema apiangveiakmo m'a.

1 Corintios 3:2

apketkok aikamok anak neme nkok la ngken ketlhengkap. Ma lhta nkonmopvanka'ak etavangkok aptekamok la aliennaktema, kolhva nenvanlha nak mankollapvanka'ak mokhom

1 Corintios 4:8

Nketlhenke mota apvalho'ok ketlhengkap apkellelto ngkeskama qaselha apanko'ok, mankaimommalhka qaselhaha nhan, nketlhenkek na apvalho'ok malha apkeliav'akha apkelveskai'e la'a, malha mongelaimelhkak na ennengko'o angelpasmok ma'a. Ntasek hatelha m'a etnangkok apkeliav'akha apkelveskai'e ketlhengkap kakpota antangkok ennengko'o lha malha apkelveskai'e nentemo lhemek la'a.

2 Corintios 10:10

Moklhem'a lhna mota hetlheianmak aliennai'o astalheskama, akiennaktema nhan, lhnoka napaqtavek la'a moiennaktema lhnak, moientalhnemo lhnak na.

2 Corintios 11:19

Apkellanek ketlhengkap nema apkeliamo apankavek, koka apkelvaskapak apkellan'o enenlhet'avok anak malha alanema.

2 Corintios 11:29

Asleng'o la lhema enialheng akmaska apiempek ma'a, ko'o nhan malha akmaska eiempek na stahak, asleng'o la nhan lhema enialheng apiepkonammap m'a, avanhe ntak na sloma m'a.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

2 Corintios 4:12

Kelha niekhe antekio'ok ma'a nenmeiakho la apieseksek anak ketlhengkap angelpaieskakhak ania'a aktaqmanma, nkaqhok koka angenmeianta kakpota etlhevangkok ketlhengkap akiennaktema enneniek mankotnengvaianlha nnelha.

2 Corintios 6:8

Moklhem'a aknem hengeleliahakhave lhta mota, hengeltaqmelkaske lhta nhan, mo'ok aknem alhto ka hengeltaqnevak ma'a, hennaqtevaske lhta nhan ma'a, hengelleltaiangko lhta nhan nenmopvanka'a ania'a, koka iokhalhme mota netlheianma ennengko'o.

1 Tesalonicenses 4:8

Lhema enenlhet la aptaqnongkoma hengetlhekmoskama nak, manghengeltaknevak ennengko'o, aptaqnevakke koka m'a Eniapom Neten apto hengellaikamok Espíritu Santo

1 Pedro 4:14

Aktakmelakho nkek apkeltaknommap la'a aniem'o apkelleliehekho Cristo, ngkanek Espíritu Eniapom Neten apankok nkelloka mota lhemek ketlhengkap ma'a.