1 Corintios 3:5 - Nuevo Testamento Toba Maskoy

⁵ Koka Apolos kanhan ko'o Pablo nengelelto vanlha mota hengellasennaikama Eniapom Neten kakpota angetlhekmosangkok ketlhengkap meliaskamek Cristo. Moklhem'a lhta ennengko'o nellan'ak nenmakmekama apkeltakha la Apveske engankok.

1 Corintios 3:5 ပူးပေါင်းရင်းမြစ်များ

Lucas 1:2

apkellengai'a lhta aniem'o apatno'ok apkellelto lhta apkelvetaiangko ampai'akhasekha lhta akvetammalhka m'a qaselha nak. Netamen nemo lhta nhan allapaskamo m'a elpaiaksek ania'a nak halhmankek ham.

Juan 3:27

Ka apkellatemmoiangka lhnak Juan, lhna aptemak: —Ntasek ankek ma'a, Eniapom Neten apkeltemo nkotnehek.

Hechos 18:24

Apvekho lhnak na temma Efeso lhema judio apvesai'a Apolo, iokhalhma Alejandria lhnak apkeniemai'ak ma'a. Apvanke pankek nak elpengkamok enenlhet'avok ngkanek avanhek nak apiangveiakmo Vakkahak Eniapom Neten Apaivoma.

Hechos 19:1

Neksa apnema lhnak Apolo m'a akieto Corinto, Pablo lhnoka apiekai'ak iokhalhma metaimong avhak, apvekho natemma Efeso. Koka m'a apvetangveiakmo lhnak apentalhnema nema altamesaikamok ma'a,

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

1 Corintios 16:12

Avanhe lhta asiatekamok Apolos askeltemo enmeiakhak lhemek napokha engelialheng'a m'a, koka meniekhak ma'a, eniakhak hato ka metko la apkellan'elha.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 3:22

Ko'o Pablo, Apolos kakpota nhan Cefas nengelelto nhan malha enganko'ok ketlhengkap. Kanhan ma'a nenganiemhaikama nak, nengetsepma nak, qaselha nenvetai'a nenvanlha nak, ka nhan emmanie ta, lhamakho qaselha nak malha apanko'ok na ketlhengkap ma'a.

1 Corintios 3:7

Koka have apto neten apankek apiaspommap apto lhta apkanma, apto lhta nhan apiaskesaikamok ma'a, koka m'a Eniapom Neten apto neten apankek apiaspommap ngkanek apkaktengkaskek anammalhka la'a.

1 Corintios 9:17

Asto la askeniemai'o ehenkek ko'o asmahai'a altennama ania'a aktaqmanma nak, ntasek na elianmongkesek asmakmekama m'a, koka have lhta ko'o askeniemai'o ehenkek ma'a, askanemmalhka lhtoka atnek aspaieskama ania'a aktaqmanma nak.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 3:3

Hai, ketlhengkap malha vakkahak la aptalheskama Cristo kakpota angellankongvomo mota enenlhet'avok. Ka vakkahak anak have aktonak aimenek anak alanemmalhka kakpota ngkolhek aktalheso, vanlha koka niekhe Espíritu apankok Eniapom Neten mangkotnengvaiam annelha apkaniemhaikama, ka malha nema aktalheskama m'a, have nhan nema aktalheskama la metaimong nema alanai'a la'a, vanlha koka nema aknaktalheskamo m'a apvalho'ok anak enenlhet'avok.

2 Corintios 3:6

Hengellangke lhta nhan Eniapom Neten nenmopvanka'a angelpaiaksek hata ania'a aktemakha alhnankok annemo mo'ok apvalho'ok apkenmahai'akha etnangkok ma'a aniem'o nhan Espíritu apto nhan hengaikamok akiennaktema enneniek, koka have aniem'o m'a ley henlheianma nak ammatong hata.

2 Corintios 4:1

Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

2 Corintios 4:7

Ka ania'a aktaqmanma nak malha akto nak qaselha akmennave nke aknaiangko nak neniokha nkoliennaktema malha aktonak nialpa ngvengka, apvanka'ak elvetak enenlhet'avok akmovana m'a aniem'o Eniapom have aniem'o ennengko'o.

2 Corintios 5:18

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

Efesios 3:7

Hetneskaskek ko'o heiasennaikama Eniapom Neten kakpota apaiaksek ania'a aktaqmanma nak aniem'o apietnai'avek neha'at kanhan akiavai'a apmopvana.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:25

Hetneskaskek Eniapom Neten hellasennaikama apkennemolhema apanke nak, heiangkek asmakmekama kakpota altakmelkeskesek apkellangiemhaikama aniem'o aspaieskama ania'a aktaqmanma apankok kakpota eliekpelkok aplhamakho enenlhet'avok lhmankek ham.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

1 Pedro 4:10

Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.