1 Corintios 3:10 - Nuevo Testamento Toba Maskoy

¹⁰ Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 3:10 ပူးပေါင်းရင်းမြစ်များ

Lucas 11:35

Etaqmelkes apvalhok anak, meniangko nkek nkospana apommatma.

Lucas 21:8

Koka lhna aptemak Jesús apkellatemmoiangka m'a: —Aplhaniek hata enenlhet apkelvai'a, hata etnangkok hengke'e: ¡Ko'o nak Cristo! Etlhenek hata nhan akvai'a aknem aktema nnelha' alhma nkek ham. ¡Koka melieplav ankek ketlhengkap ma'a, mellanko nkek na ngkolhek aliennengkasengka!

Hechos 18:27

Netamen ma'a Apolo apmahai'o lhnak eniakhak iokhalhma Acaya, nkelleklemavek nak apvalho'ok apkelialheng'a m'a akieto Efeso. Ka apkellaiangko lhnak lhema vakkahak apnaqtalheskama kakpota elletsakhesek ma'a nema altamesaikamok akieto Acaya, apkeleltemo eltaqmelkaso apkenmama takha Apolo m'a. Apvaiakmo lhnak Apolo m'a, avanhek nak apkelpasmoma apkellelto meliaskeiam aniem'o aktaqmanma apkellanei'o Eniapom Neten.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 12:3

Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

Romanos 15:15

Nkaqhok koka asnaktalheskeskangke ehenkek vakkahak anak kakpota nkotlhengkeskeskakhok apvalho'ok aktemakha apkeltakmelkasemmakpo la'a. Evankek ko'o aleltennasangkok ketlhengkap aniem'o aktaqmanma nkek helanei'o Eniapom Neten, heliekieskama nhan

Romanos 15:20

Vanlha lhta mota asmaiangko metkelha la nema akpaieskamakha ania'a aktaqmanma, ma lhta amahai'ak aipetkeskamok asmakmekama nemakha la akpaieskamakha ania'a aktaqmanma.

1 Corintios 3:11

Mankolatsekama ngkolhek akiaqmongkasakho mo'ok aktemakha nema alanai'a lhta akiennakteskamakha pa'at, Jesucristo koka apvesai'a m'a.

1 Corintios 9:2

Moklhem'a enenlhet hetlhenke mota motnema nema heiapaskamo ko'o, koka apkeliavek niekhe ketlhengkap astema nema heiapaskamo ko'o ngkanek aptaiangkek na Jesucristo apkennemolhema ketlhengkap aniem'o asmakmekama altemeskesaikamok, ngvetammalhkek asto have niapak anke astema nema heiapaskamo ko'o.

2 Corintios 10:15

Askeleltennaskek lhek mangeleltemo angellalhkok angetlhenek nenmakmekama, po'ok enenlhet la apmakmekama, mankoietok antek ma'a. Vanlha toka angelleltok hata ngkeskama la nenmakmekama apieseksek anak ketlhengkap akvengke panko ta aptaikamok meliaskeiam ketlhengkap ham, metka koka neliekai'a apkenmakmekama po'ok enenlhet la'a.

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Colosenses 4:17

Eleltennasamok hata nhan Arquipo eieplavkesek hata apmakmekama aniem'o m'a apkaikamok Apveske.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

2 Timoteo 2:15

Elienlhanmo ta apkelanai'a akpeivomo lheiap kakpota mangkomangkaksek aktemakha apmakmekama, etlhekmos hato ka akietemo nkek ania'a akto iokhalhme kakpota elhenek Eniapom Neten aktaqmanma apmakmekama.

Santiago 3:1

Ketlhengkap elialheng'a, melienlhanmamo nkek aplhamakho apkenmahai'a etnangkok hengetlhekmoskama Eniapom Neten apaivoma, ngkanek tep ankek hata ngkotnek nema aliekpelkemo m'a aktemakha apkenmakmekama, manlhehek hata m'a enenlhet'avok anak apkellomakha apankavek.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

2 Pedro 3:15

Askeltavek na eliohok ketlhengkap Eniapom Neten metka apekheskama eiaqmongkasekhak nentemakha m'a, apkeltave niekhe la angelvongkasalhkak tep ma'a nenlhamakho, apnaqtalheskeskangke lhta nhan engeliepma'ak nellamelaiam Pablo aktemakha nak ma'a akieplomo koka apiangveiakmo aniem'o m'a Eniapom Neten.

Apocalipsis 21:14

Ka akhalhtemommalhka lhta m'a nnangke lhta aliennakteskama 12 metaimong aliavai'a koneng, nnangke lhta nhan ma'a moklhem'a alelqasemmalhka apkelveskai'e 12 apkelapaskamo pankok alhta Nepkesek Apketkok.

Apocalipsis 21:19

Kakpota nhan metaimong aliennakteskama avhok akhalhtemommalhka malha annatanma lhamakho aktemakha metaimong aktek altakmanma nkoie. Koka amanie lhta metaimong nietne lhta aknatanma jaspe, hanet aktaiekho lhta nhan metaimong lhtoka zafiro aknatanma, koka hanetolhem'a lhta metaimong agata aknatanma, koka nhan cuarta metaimong esmeralda aknatanma.