1 Corintios 16:15 - Nuevo Testamento Toba Maskoy

¹⁵ Apkeliavek ketlhengkap apketkak anak Estefanas akieto Acaya, aptangko lhta apmaniaie apankavek apkenmaikamok takha ania'a aktaqmanma m'a, koka mokhom apketlhengkeskama aptaikamok apkellasennaikama apkellelto apkelpokkenammap ma'a.

1 Corintios 16:15 ပူးပေါင်းရင်းမြစ်များ

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

Romanos 15:25

Koka kolhvave nak asmak'ak aniakhak Jerusalen kakpota aletsakhesek patakkom apkelpokkenammap ma'a.

Romanos 15:31

hengio'ok kakpota manghenaqtevaksek apkellelto nak apkeliaskeiam apkakhangko m'a Judea, kakpota nkolpaihekhak apvalho'ok apketlhevangko ta qaselha nak metka akianmoma apkelpokkenammap ma'a ko Jerusalen.

Romanos 16:2

Eltaqmelkaso ta apkellanei'o aptaiangkolha na mota apieseksek apkelpokkenammap anak, ellamok hata aimelhkelha la'a qaselha m'a ngkanek aplhanie mota alpasmoma enenlhet'avok ma'a akvakho lhta nhan ko lha'.

Romanos 16:5

Kakpota nhan askapaskek aklheianma evalhok iglesia apkaqnekhelha na mota akieto akhaiangkolha nkek ma'a. Ka nhan nlhenkek evalhok stema emo'ok askamelaianlha apvesai'a Epeneto, apto lhta apmanie apankek mei'askeiam ania'a aktaqmanma aplhenammap Jesús apieseksek enenlhet akieto m'a iokhalhma Asia.

1 Corintios 1:16

¡Ia'! Nlheianvakhek evalhok askellavkesaiangko nak na Estefanas atkak, skanek ko'o mamma mokhom po'ok enenlhet la'a.

1 Corintios 16:1

Koka kolhvave nak asmak'ak aleltennasangkok aktemakha patakkom na lhta apkellankesaikokha ham kakpota elapaskesek apkelpokkenammap ma'a, ntasek etnangkok ma'a astakha lhta asketlhekmosekamok askeltemo lhta ellankesokhak iglesias akieto m'a Galacia.

1 Corintios 16:17

Avanhe lhta ko akpaihekha evalhok apkelvaktamo lhta hengke'e akno nak Estefanas, Fortunato kakpota nhan Acacio, apkelpaieskakhe lhta evalhok ngkanek aiose lhta ntema evalhok aniem'o molvetai'a ketlhengkap.

2 Corintios 8:4

Ma lhta elietnakhok ma'a hengelleltennaskaktamo mota apkenmahai'a apankavek ellangkok patakkom apkellankesekha kakpota elpasmok Eniapom Neten apkennemolhema m'a.

2 Corintios 9:1

Mankaimelhkak anaktalheskesek ko'o vakkahak aktemakha askeltemo la elankeskasokhak alpasmoma apkellelto nak apkelpokkenammap.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

Filemon 1:7

Stema eialheng, avanhek apaiesekha evalhok kanhan aptaqmelkeskaiam evalhok lheiap, ngkanek apkeliatekho lhta apkellelto nak apkelpokkenammap aniem'o apkellasekhai'o m'a.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

1 Pedro 4:10

Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.

Apocalipsis 14:4

Apkellelto lhta nhan metka apkelpaisengkeskama apkeliokha menmangveiam na ngkelvana, metka nhan apkellanei'o ngkelvana. Vanlha lhta mota apkelieplekama Nepkesek Apketkok apmangkolha la'a. Apkellelto lhta nhan nema alvongkeskama tep apieseksek enenlhet'avok kakpota nhan malha apkenmesemmakpo apankavek apkeliokho Eniapom Neten kakpota nhan Nepkesek Apketkok. Malha kto nak qaselha nenmeskama amanie nak nenvetai'a nentoskama kanhan akielhna.