1 Corintios 16:11 - Nuevo Testamento Toba Maskoy

¹¹ Meltemeskesenta nkek na koneng neksa aptaikama amaika ham, elpasem hato ka aimelhkelha la m'a kakpota elhiemok akieplomo aktaqmelaikama apvalhok hengke'e asnakha nak, askelailhek ko'o kakpota nhan engelialheng'a hengke'e.

1 Corintios 16:11 ပူးပေါင်းရင်းမြစ်များ

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

Hechos 15:33

Apkakhengvaiakmek nak ma'a moklhem'a knem, netamen apkeleltemo lhnak akpaiveskekha' apkellanei'o Jesucristo apkennemolhema apkeleltemo nhan ngkoltaqmelama apvalho'ok ma'a, ka apkelelhiaiakmo akieto apkelempai'akha.

1 Corintios 16:10

Hata apvaktamo ta Timoteo ham, eltaqmelkaso ta apkelanei'o kakpota nkolekkasama apvalhok ma'a, ngkanek apto asmakmekama lheme Apveske engankok ma'a.

1 Corintios 16:6

Alhek hatelha ham apieseksek ketlhengkap akvakmo apsavhekpo ta ieiam apvalhok, netamen hata m'a hellapaksek kakpota alhong mo'ok iokhalhma, helpasem hata nhan.

2 Corintios 1:16

Nlhenke lhta niekhe nhan evalhok neksa alhengama la Macedonia, nalhet amai angvaivongvakhak sekhek ham, netamen angvempekhok mokhom alhengama m'a Macedonia. Netamen avatamok mokhom ham apieseksek anak ketlhengkap, kakpota alpasmok angvempekhok alhengama m'a Judea, lhta ntak aklheianma evalhok ko'o m'a.

1 Tesalonicenses 4:8

Lhema enenlhet la aptaqnongkoma hengetlhekmoskama nak, manghengeltaknevak ennengko'o, aptaqnevakke koka m'a Eniapom Neten apto hengellaikamok Espíritu Santo

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

3 Juan 1:6

Ka enenlhet'avok anak apkeleltennangvakhe lhta napaqtavek iglesia akiavai'a apkelpasmoma lheiap ma'a aniem'o apkellasekhai'o. Ntasek ellangkok alaimelhkelha la m'a kakpota ellempekhok kelha mokhom apketlhengama, ngkanek apkellelto Jesucristo apkellasennaikama m'a.