1 Corintios 16:1 - Nuevo Testamento Toba Maskoy

¹ Koka kolhvave nak asmak'ak aleltennasangkok aktemakha patakkom na lhta apkellankesaikokha ham kakpota elapaskesek apkelpokkenammap ma'a, ntasek etnangkok ma'a astakha lhta asketlhekmosekamok askeltemo lhta ellankesokhak iglesias akieto m'a Galacia.

1 Corintios 16:1 ပူးပေါင်းရင်းမြစ်များ

Hechos 11:28

Agabo lhnak apvesai'a lhema, apmaikama Espíritu kakpota elhenek lhema ania'a nkovak hata aknem aktema metka aptekamok lhmankek ham. Hai', ngvai'a lhta have niapak ma'a aptemo lhta apiav'akha apveske Roma apvesai'a Claudio.

Hechos 11:30

Ka apkellangkongvekho lhnak patakkom Bernabe kakpota nhan Saulo kakpota elletsakhak ellangkongvakhak metno apketko'ok akieto Judea kakpota ennaskangkok apankavek ma'a.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 18:23

Iakvatakho lhnak apnema Pablo m'a, ka apkempekho mokhom aplhengama apmeiekho iokhalhma Galacia kakpota nhan Frigia. Ka apkeliatekho lhnak apkellelto nema altamesaikamok kakpota etlhengkesek metka apkelvatesaikamok ma'a.

Hechos 24:17

Nlhamakmek iantelhkapa asmaikamo mota mo'ok apkellavakha, netamen astaqhemo lhta mokhom askavakha' ehenke, asketsekho lhta nhan patakkom askellangkongvekho metka nak apkelletsekama, asketsekho lhta nhan qaselha nengaikamok anak Eniapom Neten.

Hechos 9:13

Ka apkatemmoiangka lhnak Ananias, lhna aptemak: —Apveske, aslengai'ak ko'o apvesai'a enenlhet anak ma'a, avanhek apnaqtevaskama apkellelto lheiap apkelpokkanma akieto m'a Jerusalen.

Hechos 9:41

Ka apmamo lhnak amek Pedro m'a, apkenengkasekho lhnak neten, apkellaveiangka nhan apkellelto apkelpokkenammap ma'a kakpota nhan lhentampak'ak, apkelvetaskeso aktaiekha alhnankok mokhom Tabita.

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

1 Corintios 11:34

Koka annapo la mek amanie la apkenmahai'a enmeiakhak nemaknekhelha, ntasek etavokha ma'a apkakhaiangkolha apankave nak kakpota mellanie qaselha ngkolatsekama m'a akieto nak nemaknekhelha, metlhokiek na nema akiaqmongkasekha la'a apkeltemakha. Hai', vanlha m'a, hata asvaktamo ta mokhom astaikama la amaika'a ham, anmaskeskatak hata lhamakho aktemakha akientalhnema apkakhaikamok ham.

1 Corintios 16:15

Apkeliavek ketlhengkap apketkak anak Estefanas akieto Acaya, aptangko lhta apmaniaie apankavek apkenmaikamok takha ania'a aktaqmanma m'a, koka mokhom apketlhengkeskama aptaikamok apkellasennaikama apkellelto apkelpokkenammap ma'a.

1 Corintios 4:17

Ka ngkanek na askapaskamo lhta Timoteo ham, apto malha eietka ehenke askamelaiam meietnekho nhan netamen ko'o, etlhenkeskeskakhok apvalho'ok astemakha na mota ko'o aniem'o moi'askeiam Cristo, ka astemakha na mota asketlhekmoskamok aplhamakho iglesias.

Galatas 1:2

Ko'o kanhan elialheng'a hengke'e nketlhenkek engelvalho'ok aplhamakho iglesias akieto ham Galacia.

Galatas 2:10

Vanlha lhtoka hengellangko lhema apaivoma, apkeltemo angelpasmok apkellelto nak metka apkelletsekama, nelienlhanakme mota angellanak akto nak ma'a.

Filemon 1:5

ngkanek asleng'a lhta apvesai'a lheiap avanhek na lhta apkasekhai'o, mei'askeiam nahan apveske engankok Jesús, kanhan apkellasekhai'o lhna lhta nhan apkellelto nak apkelpokkenammap

Filemon 1:7

Stema eialheng, avanhek apaiesekha evalhok kanhan aptaqmelkeskaiam evalhok lheiap, ngkanek apkeliatekho lhta apkellelto nak apkelpokkenammap aniem'o apkellasekhai'o m'a.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

1 Juan 3:17

Lhema enenlhet la nema apketsekama etak enialheng aimommalhka la nema akpasmoma, man koka epasmak ma'a aniem'o anmasmo qaselha apvalhok, mankoietnak na songkek nengasekhai'o nak aniem'o Eniapom Neten.