1 Corintios 15:52 - Nuevo Testamento Toba Maskoy

⁵² Pelapkeskama nke ta nkotnek akvai'a aknem anak ma'a, melvetankek hata nhan ma'a. Nkopaiok hata nhan trompeta, enaklhatekhangvomok hata apkeletsepma nak kakpota elloka m'a mangkotnengvaiam annelha, kanhan ennengko'o neliokha nak nkoiaqmokhak hata mo'ok.

1 Corintios 15:52 ပူးပေါင်းရင်းမြစ်များ

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 5:28

Molpelapkesangkek apkellengai'a astakha nak alheianma, nkovak hata aknem apkellenganveiam apaivoma Eniapom Neten Apketka apkellelto apnangkongvaiam ma'a nemakha aknengkanveianlha enghapak,

1 Corintios 15:23

Apmanie aplhatekhangveiam alhta Cristo ngkanek apto neten apankek ma'a apiaspommap, netamen apvaktamo ta mokhom ma'a, enaklhatekhangvomok hata m'a apkellelto nak apkennemolhema apankave nak.

1 Corintios 15:42

Hata ngkotnek ma'a apiokha enenlhet aplhatekhangvakmo ta neksa apketsepma. Nkokpelkalhkak koka apiokha atonnammalhka m'a, koka aplhatekhangvakmo la'a, mankokpelkalhkek metka aktemongvaiam annelha.

1 Corintios 15:50

Asmak'ak atnek allana ketlhengkap elialheng'a, enenlhet akietnema nak aphapetek kanhan ema apankok mankolpalhakvomek hata ma' aktemakha nak Aveske apmopvana Eniapom Neten. Qaselha nak akmovana nkokpelkalhka' mankavankek nkopalhkekha Qaselha nak mankokpelkammalhka.

1 Tesalonicenses 4:15

Nengeleltennaskek ennengko'o mota hengetlhekmoskama nak aniem'o Apveske, apmaniaie ta elaqlakhak apkellelto nak apkeletsepma meliaskeiam, netamen hata nhan m'a nengelelto nak enhalhnanko'ok apvaktamo ta hengke'e Apveske.

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

Apocalipsis 8:13

Netamen ma'a asvet'o neten, asleng'o lhta nhan lhema meivoma apiavai'a apkempangka m'a neten, lhta aptak apiennakteso apaivoma hengke'e: —¡Ai enenlhet'avok la ie' apkelloma nak nalhepop, nkovak hata akientalhnema ham akvakmo ta apkelpaivaskama trompetas apkanetolhem'a ángeles! —lhta aptak ma'a meivoma.

Apocalipsis 8:2

Asvet'o lhta nhan mokhom 7 ángeles apkelaknangka m'a akieto napaqtek Eniapom Neten, akno lhta nhan allangko 7 trompetas moklhem'a m'a.