1 Corintios 15:15 - Nuevo Testamento Toba Maskoy

¹⁵ Ka menaklhatekhangvakmo la apkeletsepma nak, malha nha ngkotnek ennengko'o ketsekama ania'a la apkenmopvanka ania'a netlheianma Eniapom Neten aplhatekhaskeiam Cristo neksa apketsepma.

1 Corintios 15:15 ပူးပေါင်းရင်းမြစ်များ

Hechos 2:24

Netamen aplhatekhaskeiakme lhta nhan apieseksek apkenmaskengvaiakmo, apaknengkasekhe lhta akmaska nengetsepma, mankavankek mokhom ngkomangkok ma'a.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.

Hechos 4:33

Koka nema allapaskama apkenmopvanka lhnak apketlhekmosekamok aktemakha aplhatekhangveiam alhta Apveske Jesús apieseksek apkenmaskengvaiakmo. Avanhek ankek nak na apkeltakmelkeskeskama apkellaniemhaikama Eniapom Neten ma'a.

1 Corintios 15:13

Ka menaklhatekhangvakmo la apkeletsepma nak ma'a, melhatekhangvome lhta nhan Cristo m'a.

1 Corintios 15:16

Akto la iokhalhmek ma'a metka apnaklhatekhangveiam apkeletsepma nak, melhatekhangvome lhta nhan Cristo m'a, akhemo lhta nha ngkotnek meliaskeiam anak ketlhengkap, nkonmama nhan mokhom ngkollatsekama nak,

1 Corintios 15:20

Aplhatekhangveiakmek koka Cristo m'a, have niapak ankek ma'a, apmanie pankek aplhatekhangveiam ma'a, malha aktonak amanie nkek anammalhka aktekteiapma nak.