1 Corintios 15:1 - Nuevo Testamento Toba Maskoy

¹ Ketlhengkap elialheng'a askeltavek ko atlhenkeskakhok apvalho'ok aktemakha lhta askeltennaikama ania'a aktaqmanma apieseksek ketlhengkap ham, apkenmaiangke lhta takha, nkoihek na aptaikamok meliaskeiam akvakmo nenvanlha nak.

1 Corintios 15:1 ပူးပေါင်းရင်းမြစ်များ

Juan 12:48

Hato ka enaqtevasakpok ma'a meleliehekho la aspaioma akvakmo ta nnelha aknem.

Hechos 11:1

Apkellengai'ak nak ania'a nema allapaskamo kakpota nhan apkelialheng'a apkakhaiangko m'a Judea, apkenmaikamok nhan takha Eniapom Neten apaivoma metnangko nak judios.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Romanos 11:20

¡Koka ellaho ta ketlhengkap ma'a! Apkeliaqtemenammakpe lhta malha aktengok alhta lhennenga aniem'o aliaskeiam, ka akno aliepetkeskakmo nhan ketlhengkap ma'a aniemai'o nhan meliaskeiam. Koka apkelakpo la ketlhengkap,

Romanos 2:16

akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

1 Corintios 16:13

Elel·halhnamok hata, eliennaktes hata nhan meliaskeiam anak, etnamok hata nhan apmakmosak'a. Eteniamok hata nhan apiempeiok neksa apkellangiemhaikama,

1 Corintios 3:6

Malha askanma lhta ko'o aktek, netamen Apolos alhto ka apiaskesaikamok, Eniapom Neten alhto ka nhan apkaktengkeskama m'a.

1 Corintios 4:15

Tokha m'a mantek apkellelto apketlhekmosekamok apanko'ok ketlhengkap ham, koka ko'o malha lhema asto apiapma'ak apankavek, alheianvai'a lhta ania'a aktaqmanma apieseksek anak ham, ka aptaiangko lhta nhan apkennemolhema apankave nak Cristo,

2 Corintios 1:24

Mankonmahai'ak ennengko'o antangkok malha apkelveskai'e la'a angellelpalhengkasama kakpota etnangkok meliaskeiam ketlhengkap, vanlha koka nengeleltavek angelpasmok kakpota nkolpaihekhak apvalho'ok ketlhengkap ham nkanek melleihaie' aniem'o meliaskeiam.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

2 Tesalonicenses 3:6

Ketlhengkap elialheng'a, akieplomo apvesai'a apveske engankok Jesucristo mangeleltok eliepetkangvomok engelialheng'a nentemo lheme nak akhemo nak apkellangiemhaikama metka apkenmakmekama nak kanhan melieplavkeskama netlhekmosekamo lhta.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.