1 Corintios 14:6 - Nuevo Testamento Toba Maskoy

⁶ Ka kto nak ma'a, asmeianto la ham apieseksek anak asto la amaika'a, akhemo ta ngkotnek aliatama mo'ok nempaivoma melioho ketlhengkap, meliehek hata nhan ania'a akielhammalhka aliatamaha, metlhokiek hata nhan apkeliangveiakmo, meliehek hata nhan ania'a aniem'o Eniapom Neten, meliehek na aktemakha asketlhekmoskama.

1 Corintios 14:6 ပူးပေါင်းရင်းမြစ်များ

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

1 Corintios 14:1

Ketlhengkap elialheng'a, elienlhanmamok hata apkellasekhai'o po'ok, elienlhanmamok hata nhan nenmopvanka'a nak aniem'o Eniapom Neten, koka akto nhan neten ankek akiaspommalhka m'a nenlheianma ania'a aniem'o Eniapom Neten.

1 Corintios 14:7

Nnavek na nenmaikama nak nennekmaskama anko'ok iompa'at nlho ka la nhan arpa, nenpaivaso la nennekmaskeskama nennekmaskama melioho nak mokhom, meliehek hata enenlhet'avok.

2 Corintios 11:6

Niekhe moliatekama aktaqmanma ko'o, nietnek koka asiangveiakmo akiokho nkoie, apkeliavek ketlhengkap helvetai'ak na askelanei'o lhamakho qaselha

2 Corintios 12:1

Akhemo alhenalhkok ehenkok ehenkek ko'o, nkaqhok koka aleltennaksek hata aktemakha lhta akvetai'a ehaqtek qaselha akielhammalhka nhan aniem'o Apveske.

2 Corintios 12:7

Akvai'o lhta mota nhan apaskama Satanas kakpota hetvaksek ko'o, malha helielhaqlhema lhta mota ntemak ketama eiempehek kakpota mankovhek askammalhko aniem'o asvetai'a akvetai'a ehaqtek.

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

Efesios 3:4

Ka apkelietsatengko ta ketlhengkap elvetak hata have niapak ankek aktakha nak alheianma, asiamo ko'o aktakha lhta akietnaikama apaqtek etnek hata Eniapom Neten aniem'o nhan Cristo.

Filipenses 3:15

Hai, nengelelto la aliennaktema mongeliaskeiam ntasek hata nkotnangkok atlhenaikama engelvalho'ok ma'a astakha lhkek alheianma, koka napokha enenlhet nketlhenkek apvalho'ok mok aktemakha m'a, Eniapom Neten hato ka elvetaskesek lhema qaselha alhnakho nkek ma'a.

2 Timoteo 2:14

Etlhenkeskeskakho ta mota apvalho'ok enenlhet'avok lheiap hengke'e hengetlhekmoskama nak, eleltennasamok hata apkellanemakha etnangkok napaqtek Eniapom Neten metka apkellatemommap apieseksek anak ma'a, koka aqhemo m'a, vanlha koka akmovana nkoveskak aknaqtevaskama apkellelto la apkellailhemo.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

2 Timoteo 3:16

Koka lhamakho konne Vakkahak anak ma'a apvatepnapma Eniapom Neten, akmovana nkotlhekmoksek akto have niapak anke, kakpota nhan alvetaskeskama enenlhet'avok apkellanengko la ngkollatsekama. Akmovana nhan nkonnavaksek apkellanengko la qaselha ngkollatsekama kanhan atlhekmosekamok akto akpeivomo nkek,

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

2 Pedro 1:5

Nnaiangkek ketlhengkap meliaskeiam, koka nkaimelhkek eteniangkok apiempeiok ellankesangkok lhamakho qaselha altaqmelo ka kto nak nentaqmelkasemmalhko, nenianveiakmoho', nenmopvana anmeiavalhkok enganke', metka nempekheskama, nelanai'a aktaqmanma, nellamelaiam engketkak aniem'o Cristo, nellasekhai'o nhan aplhamakho enenlhet'avok.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

2 Juan 1:9

Enenlhet apto la apmahai'a eiaqmongkasekhak mo'ok hengetlhekmoskama lhta Cristo, have nhan nengaqtek Eniapom Neten ma'a. Koka apto la aptaqmelkeskama hengetlhekmoskama Cristo, koka apto apnemo lhemek Eniapom kanhan Apketka.