1 Corintios 14:31 - Nuevo Testamento Toba Maskoy

³¹ Ntase ngkotnek ma'a apkaknekha nak apkelanmakha apketlheno la ania'a aniem'o Eniapom Neten kakpota eliangvomhok, elvaskapok nahan aplhamakho apkellelto apkellailhemo m'a.

1 Corintios 14:31 ပူးပေါင်းရင်းမြစ်များ

Romanos 1:12

Hata asvaktamo ta ham, angeliatalhkak hata aniem'o mongeliaskeiam anak.

1 Corintios 14:19

Koka asvakho la iglesia, ntasek aliekiaksek aliatamaha akiakvatema nempaivoma nke nak, have akto nak ma'a akvenaktema mo'ok nempaivoma nak mangioho.

1 Corintios 14:3

Koka enenlhet apto nak aplheianma ania'a apkaikamok aniem'o m'a Eniapom Neten apkelpaqmeiasma apanke nak, apkeltakmelkeskaskek apkellangiemhaikama m'a, apkeliatakhavek nahan, apkelpaieskeskakmek na apvalho'ok Jesucristo apkennemolhema.

1 Corintios 14:30

Lhema aphapak apkeltennangka la'a, apno la nhan po'ok ma'a apmo la takha ania'a aniem'o Eniapom Neten, ntasek etnemekhak neten eiaqmongkesek ma'a elhenek ania'a aktemakha aplhevai'a.

1 Corintios 14:32

Apvanka'ak apkeleltennasemmap ania'a enmankok apvalho'ok apankavek la'a neksa apkelpakmeiasma la'a,

1 Corintios 14:35

Koka mankoiho la ngkelvana aktakha nema altennaikama neksa nemaknekha m'a, ntasek nkolmalhnengvakhak atava' akieto aknemakha ngkanek qaselha henmankaskama m'a aliato la ngkelvana neksa nemaknekha.

2 Corintios 1:4

Hai, apaieskakmek engelvalho'ok neksa akvai'a la akientalhnema m'a kakpota nhan envanka'ak ennengko'o angelpaieskamok apvalho'ok emmo'ok la'a neksa akientalhnema, ka aktemo lhta nhan ennengko'o alpaihengvaiakmo engvalho'ok aniem'o Eniapom Neten.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

1 Tesalonicenses 4:18

¡Ntasek elpaqmetkesakpok apankavek apieseksek anak ketlhengkap ham ania'a nak kakpota nkoliennekho mota apvalho'ok!

1 Tesalonicenses 5:11

Ka ngkanek ntasek eleliatekhok po'ok, eleliennakteskasekhok na apvalho'ok po'ok lhamakho aknem.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Tesalonicenses 5:20

meltaqneva nhan ania'a aniem'o Eniapom Neten aklhenammalhka nak,