1 Corintios 14:27 - Nuevo Testamento Toba Maskoy

²⁷ Apkellelto la apkenmopvanka'a apkeliatekama mo'ok nempaivoma melioho, ntasek etnangkok vanlha apqanet nlho ka la apqanetolhem'a, nema apkelanmakha koka etnamok, lhema ta nhan etnek apkelpeivesekha m'a.

1 Corintios 14:27 ပူးပေါင်းရင်းမြစ်များ

1 Corintios 12:10

Napokha koka apketlhevangkok apkenmopvanka'a ellanangkok qaselha hempelapkeskama, napokha nhan apketlhevangkok apkenmopvanka'a etlhenek ania'a aniem'o Eniapom Neten, napokha nhan apketlhevangkok apkenmopvanka'a eliekpelkok espíritus melatsekama kanhan Espíritu aptaqmanma. Napokha nhan apketlhevangkok apkenmopvanka'a elpaqmetama nempaivoma melioho nak mokhom, napokha nhan apketlhevangkok apkenmopvanka'a kakpota elpeivesekhak ma'a nempaivoma melioho nak mokhom.

1 Corintios 14:13

Enenlhet apkapvanko la eliatama apaivoma melioho mokhom, ntasek koka m'a enmalhnama Eniapom Neten kakpota eniapvanak na elpeiveskasokha apankek enenlhet'avok ma'a.

1 Corintios 14:2

Enenlhet apto la apmopvana eliatama apkelpakmeiasma manioho nak mokhom aplhengkek qaselha akielhammalhka m'a aniem'o apvalhok, apiave koka nhan Eniapom Neten aptakha apkeliatekama m'a, enenlhet koka meliohok ma'a.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

1 Corintios 14:28

Koka metko la apkapvanko elpeivesekha, melpaqmetankek napaqtavek iglesia m'a, ntasek epaqmetkesakpo panke, vanlha toka nhan Eniapom Neten ennak ma'a.

1 Corintios 14:5

Askeltave niekhe aplhamakho nak ketlhengkap nkollapvanak elpaqmetama nkotno nak apkelpaqmeiasma melioho nak mokhom, koka ntasek melpaqmetek metko la enenlhet apmopvana elpeivesekhak kakpota nkoltaqmelkeskesek na apkellangiemhaikama iglesia nak ham. Metko la m'a, ntase elpaqmetek nempaivoma nke nak.