1 Corintios 13:8 - Nuevo Testamento Toba Maskoy

⁸ Mangkavankek nkomaskengvomok nengasekhai'o nak, koka nkomaskengvomok hata m'a nemmopvana nak anlhenek ania'a aniem'o Eniapom Neten, nkomaskengvomok hata nhan ma'a nenmopvana angeliatama mo'ok apkelpakmeiasma manioho nak mokhom, nkomaskengvomok hata nhan ma'a nenianveiakmo nak qaselhaha.

1 Corintios 13:8 ပူးပေါင်းရင်းမြစ်များ

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 19:6

Ka apnengkanmo lhnak na apmeio'ok apietsekso'ok Pablo m'a, apvai'o lhnak na takhaplhet'ok Espíritu Santo. Ka apkelpaqmeteiangka lhnak nkotnakho apkelpaqmeiasma ania'a kanhan apketlheianmo ania'a aniem'o Eniapom neten,

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

1 Corintios 12:10

Napokha koka apketlhevangkok apkenmopvanka'a ellanangkok qaselha hempelapkeskama, napokha nhan apketlhevangkok apkenmopvanka'a etlhenek ania'a aniem'o Eniapom Neten, napokha nhan apketlhevangkok apkenmopvanka'a eliekpelkok espíritus melatsekama kanhan Espíritu aptaqmanma. Napokha nhan apketlhevangkok apkenmopvanka'a elpaqmetama nempaivoma melioho nak mokhom, napokha nhan apketlhevangkok apkenmopvanka'a kakpota elpeivesekhak ma'a nempaivoma melioho nak mokhom.

1 Corintios 13:10

Nkonmaskengvomok hata nhan ma'a akvo'o ta qaselha aksavhommalhko nke ta nenlhevai'a.

1 Corintios 13:13

Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

1 Corintios 14:39

Hai, ka m'a alheno lhkek elialheng'a, elienlhanmamok hata apkenmopvanka nak etlhenek ania'a aniem'o Eniapom Neten, ellangko ta nhan eliatama mo'ok aktemakha nempaivoma meliohok nak,

1 Corintios 8:2

Niekhe lhema enenlhet la aklhenammalhko nkek apvalhok nema apiangveiakmo ngkeskama, koka atketsek apiangveiakmo m'a, nkaimelhkek mokhom.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Hebreos 8:13

Hai, aplheianme lhta Eniapom Neten elanak hata alhnankok annemo mo'ok apvalho'ok apkenmahai'akha etnangkok, akvaneiam koka ntemak ma'a lhennenga annemo mo'ok apvalho'ok lhnak nanek, koka akvaneiam anak ketsek nkaimelhkak aksepanengvaianlha m'a.