1 Corintios 13:7 - Nuevo Testamento Toba Maskoy

⁷ Enenlhet akietno la apkasekhai'o po'ok, metka astengangveiam apasmoma po'ok, mei'askeiam lhamakho m'a, apkelailhema qaselhaha, apmopvana nhan evaskapok neksa apieplavkeskama aplengangko la akientalhnema.

1 Corintios 13:7 ပူးပေါင်းရင်းမြစ်များ

Marcos 9:23

Netamen, lhna aptemak Jesús: —Koka nkaimelhkek mei'askamek lheiap, apto la enenlhet mei'askeiam apvankek elanak apmak'akha la elanak —lhna aptemak.

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

Romanos 8:24

Nengelvonkasemmalhkek tep neksa hengenmaikama nengetsepma ngkanek nengelelehalhanme lhta m'a, kolhva mankaimommalhkak mokhom angelel·halhnama ngvai'ak ma'a.

1 Corintios 13:4

Enenlhet akietno la apkasekhai'o po'ok, emankok apvalhok aptevasekpo la m'a, apiamo lhma apankek nahan, metka apiasepkeskama po'ok, metka aplhenaikama aktemakha apiangveiakmo kakpota nhan metka akiephesekama apkammakpo.

1 Corintios 9:12

Po'ok enenlhet apketlhevangkek na kolhvave nak akianmoma aniem'o apkelpasmoma ketlhengkap, tep ankek ennengko'o hengelietemo nhan angetlhevangkok akianmoma nenmakmekama apieseksek anak ketlhengkap, mang koka nkomak'ak angenmangkok takha m'a kakpota melpaqmetek hengellanho' ennengko'o, malha hennaqtevaskesekha ta nhan etnangkok ania'a aktaqmanma nellengaskama.

Galatas 6:2

Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Timoteo 2:24

Lhema apkasennaikama la Apveske mankapvankek eliamenakpok po'ok, ntasek koka etaqmelkasok apaqmetkeskama po'ok la'a, etnek na apmopvana etlhekmoksek kanhan metka apekheskama qaselha,

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Hebreos 13:13

Ennengko'o nhan nkaimelhkek antangkok malha nelenteiapma m'a apiav'akha temma, angenmangkok na takha akientalhnema aniem'o neltaqnommalhka malha aktemo lhta apkaniemhaikama Jesús ma'a.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.