1 Corintios 13:4 - Nuevo Testamento Toba Maskoy

⁴ Enenlhet akietno la apkasekhai'o po'ok, emankok apvalhok aptevasekpo la m'a, apiamo lhma apankek nahan, metka apiasepkeskama po'ok, metka aplhenaikama aktemakha apiangveiakmo kakpota nhan metka akiephesekama apkammakpo.

1 Corintios 13:4 ပူးပေါင်းရင်းမြစ်များ

Hechos 7:9

José lhnak apvesai'a lhema apketka apieseksek 12 nak ma'a, akietnemo lhnak apkeliasepkeskama apkelpetma'ak ma'a, lhna nkeniemai'ak apkelhakhamo lhnak patakkom akianmoma kakpota ngkolhek akiantemakho iokhalhma Egipto. Koka Eniapom Neten noka mota aplhelhma José m'a,

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

Romanos 13:13

Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

1 Corintios 4:18

Moklhem'a kelha ketlhengkap nkoliephesama apkellanema movataniek ham,

1 Corintios 4:6

Ketlhengkap elialheng'a, ka stakha lhkek askellano aspaioma kakpota nkoltaqmelkeskesek apkellangiemhaikama ketlhengkap ham ¡Elieplavkes hata nhan ketlhengkap nentaiangkolha nak Apolos kanhan ko'o! Mongeliekak ennengko'o henganemakha aktalhesammalhka. Moliephesamankek ketlhengkap ellakpok ma'a, eltemeskesentak na koneng po'ok la'a.

1 Corintios 5:2

Apkelammakpe mota ketlhengkap apkelanei'o m'a enenlhet anak, koka nietavek nkolaioseskesek apvalho'ok, elentepkesek na m'a enenlhet anak aptevasekha iama ngken.

1 Corintios 8:1

Kolhva smak'ak aleltennaksek aktemakha apkennapekamo mota apnaqtoskama apkellaikamok anak qaselha akiokha alanemmalhka, apkelammakpe mota ketlhengkap apketlheianmo m'a apkellanemo eliohok ma'a. Koka nenianveiakmo nak nkeltemeskeskangkek aliephesekama apkenmahai'a elakpoho, koka nengasekhai'o nak nkeltaqmelkeskeskangkek apkellaniemhaikama.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

Galatas 5:26

Metnamo nkek apkellammakpoho, mongelvankesalhkek nahan emmo'ok kakpota angellammelhalhka, metka nhan neniasepkeskama qaselha apanko'ok emmo'ok la'a.

Efesios 4:2

Etnamok hata nhan koneng apankavek ketlhengkap, anmomhapak'a apvalho'ok ellanhok po'ok, mellammelho apnaqtevasemmap metka apkelpekheskama nhan aniem'o apkellasekhammakpo.

Efesios 4:32

Ellanamok koka altaqmelo qaselha, elietnaho napaqta'a po'ok, eltemeskesama ta nhan apankavek aptevasko la po'ok apieseksek anak ketlhengkap, ka aptemakha lhta Eniapom Neten aptemeskesaiangka lhta apankek meliamolhma lhta ketlhengkap aniem'o apkelpasmekha Cristo.

Filipenses 1:15

Moklhem'a lhta apkeleltennasema ania'a aplhenammap Cristo aniem'o heliasepkeskama ko'o apteniangke lhta nhan apkenmahai'a helammelhekha, napokha alhto ka apkeleltennasema ania'a aplhenammap Cristo altakmanma apvalho'ok

Colosenses 1:11

Nelelmalhneskaskek na Eniapom Neten etneskesangkok apkeliennaktema aniem'o akiavai'a apmopvana m'a, kakpota ellapvanak elvaskapok metka apkelpekheskama akvo'o la akientalhnema. Netamen hata m'a nkolpaihekhak hata apvalho'ok ma'a,

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Timoteo 6:4

koka apto m'a apkammakpo enenlhet anak, meihangveiakmo nhan, vanlha aptenia mota apkeliamenammap po'ok, netamen ma'a alvo'o neniasepkeskama, nennapommalhka, nentaknongkoma emmo'ok, mantemeskeskama iokhalhmek emmo'ok,

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Santiago 4:5

Ka ngkanek akietnemo nak Eniapom Neten apaivoma aklheianma, ntemak hengke'e: «Avanhek ankek apkamelaiam Eniapom Neten akieplomo apkenmeiavekama engelvalho'ok anak ennengko'o hengellaikamok», ntemak ma'a.

1 Pedro 2:1

Elvatesamok hata lhamakho aktemakha ngkollatsekama nak, neniennenkeskama, hanet engvalho'ok, neniasepkeskama emmo'ok apanko'ok kakpota nhan nentepkesaikama apvesai'a emmo'ok.

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

1 Juan 4:11

¡Ketlhengkap askellasekhai'o, akiavai'a nkek hengellamelaiam Eniapom Neten, nkaimelhkek na angellasekhalhkok ennengko'o!