1 Corintios 13:1 - Nuevo Testamento Toba Maskoy

¹ Ka askapvanko la aliatama lhamakho aktemakha apkelpakmeiasma enenlhet'avok lhmankek ham kakpota nhan ángeles, koka mankoietnak ko'o askasekhai'o emo'ok, malha ta atnek ko'o m'a aktonak tava apak alleknaikamaha, nlho ka la nhan alleknaiekha nak ankok.

1 Corintios 13:1 ပူးပေါင်းရင်းမြစ်များ

Marcos 16:17

Enenlhet'avok la meliaskeiam ma'a, ko'o ta allangkok ellanak qaselha mongenatkeskama m'a. Elentepkeskasangkok hata kasekapok av'alho'ok, kakpota nhan apkenmopvanka'a mo'ok apkelpaqmeiasma.

Romanos 14:15

Ellailho no, ka apkellavkeskakmo la po'ok ketlhengkap aniem'o m'a aptekamok metoiangkolha nak apkellaskama, koka have akvesai'a nengasekhai'o emmo'ok ma'a ngkanek apkellasekhavek na Cristo m'a engelialheng'a nak, apketsepke lhta nhan apkeliaqmoiekha m'a. Metavamonkek na aptekamok napaqtavek ma'a kakpota nkoliasangko lhma ngkanek nkonnathaksek hata m'a, elvatesangkok hata nhan aptaikamok meliaskeiam.

1 Corintios 12:10

Napokha koka apketlhevangkok apkenmopvanka'a ellanangkok qaselha hempelapkeskama, napokha nhan apketlhevangkok apkenmopvanka'a etlhenek ania'a aniem'o Eniapom Neten, napokha nhan apketlhevangkok apkenmopvanka'a eliekpelkok espíritus melatsekama kanhan Espíritu aptaqmanma. Napokha nhan apketlhevangkok apkenmopvanka'a elpaqmetama nempaivoma melioho nak mokhom, napokha nhan apketlhevangkok apkenmopvanka'a kakpota elpeivesekhak ma'a nempaivoma melioho nak mokhom.

1 Corintios 12:16

Ka kto nak enghaikok anak nkotnek kelha nhan hengke'e: —Have nak ko'o asto nak ha'e engaqtek anak, have nhan aspasmekha ha'e apiokha nak —kelha ngkotnek ma'a. Koka mankoietok ma'a, alpasmekha niekhe nhan apiokha nak ma'a.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

1 Corintios 13:8

Mangkavankek nkomaskengvomok nengasekhai'o nak, koka nkomaskengvomok hata m'a nemmopvana nak anlhenek ania'a aniem'o Eniapom Neten, nkomaskengvomok hata nhan ma'a nenmopvana angeliatama mo'ok apkelpakmeiasma manioho nak mokhom, nkomaskengvomok hata nhan ma'a nenianveiakmo nak qaselhaha.

1 Corintios 14:2

Enenlhet apto la apmopvana eliatama apkelpakmeiasma manioho nak mokhom aplhengkek qaselha akielhammalhka m'a aniem'o apvalhok, apiave koka nhan Eniapom Neten aptakha apkeliatekama m'a, enenlhet koka meliohok ma'a.

1 Corintios 14:4

Apto la apmopvana eliatama mo'ok apkelpakmeiasma mangioho nak, ntaqmelkeskaskek apkaniemhaikama apankok apankek ma'a, koka apto la enenlhet aplheianma ania'a aniem'o Eniapom Neten, apkeltakmelkeskaskek apkellangiemhaikama iglesia nak ma'a.

1 Corintios 14:5

Askeltave niekhe aplhamakho nak ketlhengkap nkollapvanak elpaqmetama nkotno nak apkelpaqmeiasma melioho nak mokhom, koka ntasek melpaqmetek metko la enenlhet apmopvana elpeivesekhak kakpota nkoltaqmelkeskesek na apkellangiemhaikama iglesia nak ham. Metko la m'a, ntase elpaqmetek nempaivoma nke nak.

1 Corintios 8:1

Kolhva smak'ak aleltennaksek aktemakha apkennapekamo mota apnaqtoskama apkellaikamok anak qaselha akiokha alanemmalhka, apkelammakpe mota ketlhengkap apketlheianmo m'a apkellanemo eliohok ma'a. Koka nenianveiakmo nak nkeltemeskeskangkek aliephesekama apkenmahai'a elakpoho, koka nengasekhai'o nak nkeltaqmelkeskeskangkek apkellaniemhaikama.

2 Corintios 12:4

Nnengkek na lhta akiantamo m'a akieto iokhalhma aktaqmanma, aplengai'o lhna lhta qaselha monlengai'akha m'a, manganemmalhka nhan anlhenek.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

1 Timoteo 1:5

Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

Apocalipsis 14:2

Asleng'o lhta nhan akpaivoma aiempek aniem'o neten, malha lhta ntak akiavai'a aksepkanmakha la iemmen. Malha lhta nhan apkelelhtenioma akiavai'a nkek ma'a, malha lhta nhan arpa la apentalhnema apkelpaivaskama enenlhet.