1 Corintios 12:28 - Nuevo Testamento Toba Maskoy

²⁸ Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

1 Corintios 12:28 ပူးပေါင်းရင်းမြစ်များ

Marcos 16:17

Enenlhet'avok la meliaskeiam ma'a, ko'o ta allangkok ellanak qaselha mongenatkeskama m'a. Elentepkeskasangkok hata kasekapok av'alho'ok, kakpota nhan apkenmopvanka'a mo'ok apkelpaqmeiasma.

Lucas 6:14

Lhnak apkelvesai'a heng, Simon aptemeskasekho apvesai'a Pedro, kakpota nhan apialheng Andres. Jacobo, Juan, Felipe, Bartolome.

Hechos 11:27

Ka apkelvaiakmo lhnak na m'a moklhem'a apkeleltennasemmap ania'a apkelleniem'o Jerusalen.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

1 Corintios 12:18

Koka nlhaniek alpasmekha m'a neniokha nak, Eniapom Neten apnengkanma moklhem'a nak ma'a apmahai'akha la nhan enengkenek ma'a.

1 Corintios 12:29

Hai, moklhem'a nietnak apkenmakmekama mok aktemakha moklhem'a, have aplhamakho aptaikamok nema allapaskamo mota, have nhan aplhamakho apkeleltennasemmap ania'a, have nhan aplhamakho hengetlhekmoskama, apkenmopvanka'a nhan ellanangkok qaselha hempelapkeskama.

1 Corintios 12:30

Have nhan aplhamakho apkenmopvanka'a eltaqmelkeskamok anmaska apiempeiok, elpaqmetek apkelpakmeiasma melioho mokhom, have nhan aplhamakho elpeivesekhak apkelpakmeiasma melioho mokhom.

1 Corintios 14:2

Enenlhet apto la apmopvana eliatama apkelpakmeiasma manioho nak mokhom aplhengkek qaselha akielhammalhka m'a aniem'o apvalhok, apiave koka nhan Eniapom Neten aptakha apkeliatekama m'a, enenlhet koka meliohok ma'a.

1 Corintios 14:4

Apto la apmopvana eliatama mo'ok apkelpakmeiasma mangioho nak, ntaqmelkeskaskek apkaniemhaikama apankok apankek ma'a, koka apto la enenlhet aplheianma ania'a aniem'o Eniapom Neten, apkeltakmelkeskaskek apkellangiemhaikama iglesia nak ma'a.

1 Corintios 14:5

Askeltave niekhe aplhamakho nak ketlhengkap nkollapvanak elpaqmetama nkotno nak apkelpaqmeiasma melioho nak mokhom, koka ntasek melpaqmetek metko la enenlhet apmopvana elpeivesekhak kakpota nkoltaqmelkeskesek na apkellangiemhaikama iglesia nak ham. Metko la m'a, ntase elpaqmetek nempaivoma nke nak.

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Efesios 3:5

Enenlhet lhennenga meliamok ma'a, kolhva koka Eniapom Neten apkapaskangkek Espíritu kakpota eliangveskeskamhok ania'a nak akielhammalhka aplhamakho apkellelto apkelpokkanma nema allapaskamo kakpota nhan apkeleltennasemmap ania'a.

1 Timoteo 5:17

Nietavek etlhevangkok akianmoma akietemo nkoie aniem'o nhan apkellai'o metno apketko'ok anak apkellelto apkenmakmekama akientalhnema apieseksek anak ham, apkellelto nak apkeleltennaikama, apketlhekmosekamok nahan.

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Hebreos 13:24

Smak'ak asaksek aklheianma evalhok aplhamakho apkelemhama apmaniaie apanko'ok ham kakpota nhan aplhamakho apkellelto apkelpokkenammap, nketlhenkek na apvalho'ok engelialheng'a ko Italia.