1 Corintios 12:13 - Nuevo Testamento Toba Maskoy

¹³ Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.

1 Corintios 12:13 ပူးပေါင်းရင်းမြစ်များ

Lucas 3:16

Koka lhnak aptemak Juan apkellanemo enenlhet: —Askellavkaskek ko niekhe iemmen ketlhengkap, koka lhema enenlhet hata elhemak netamen ko'o. Neten apankek aknema apmopvana, molhnok ko'o, ngvannalhkek ko'o evalhok al·hatsoskesek alhato'ok apnakteto apmankok ma'a enenlhet anak. Hato ka etnek malha la apkellavkeskama la Espíritu Santo kakpota nhan talha ketlhengkap.

Juan 1:16

Apmaikama lhnak Eniapom Neten Moises kakpota hengellangkok na ley apankok. Apmaikama koka nhan Jesucristo kakpota hengelvetaskesek hengamelaiam kakpota nhan apto have niapak ankek. Mamma enenlhet apvetai'o Eniapom Neten, vanlha koka apto Apketka apankek apvetai'o m'a. Apto nhan nengaqtek ankek ma'a, apnemo apankek na m'a. Hengetlhekmoskangke lhta nhan aptemakha Eniapom, avanhek anke lhta nhan hengeltaqmelkeskeskama nellaniemhaikama m'a.

Juan 1:33

Ma lhta ko aihamok enenlhet ma'a, koka apto lhta heiapaskama allavkesangkok konne iemmen enenlhet'avok ma'a, lhta aptak heiano: "Hata apvet'o ta lhema enenlhet apvaiventak takhaplhet Espíritu, eienakvak nahan, koka apto ta malha apkellavkesaikamok akieplomo Espíritu Santo enenlhet'avok ma'a", lhta aptak heiano m'a.

Juan 3:5

Ka apkatemmoiangka lhnak Jesús: —Nkaimelhke' nak etiemok aniem'o Espíritu kakpota nhan iemmen, kakpota etalhnengvomok ma'a aptemakha nak apveske Eniapom Neten, akto have niapak ankek ma'a.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Juan 6:63

Espíritu akto apkellaikamok aliennaktema apnenio'ok ketlhengkap, koka enhapetek anak mankolienna'ak ma'a. Ka aspaioma lhkek akto Espíritu kanhan nenganiemhaikama,

Hechos 1:5

Have niapak anke lhta m'a apkellavkesangko lhta konne iemmen enenlhet'avok Juan ma'a, koka ketsek na nkaimelhka knem ngkoitek na ketlhengkap malha aknema allavkeskama la akieplomo Espíritu Santo —lhna aptemak apkellanemo Jesús ma'a.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Romanos 3:29

Eniapom Neten apto nhan apveske apanko'ok metnangko nak judios, have vanlha m'a apkellelto nak judios.

1 Corintios 10:2

Malha lhna niekhe ntemak aplhamakho apkellavkesammap la iephopai'a kanhan alvata, apkelpasmekho lhnak nanek na Moises ma'a.

Galatas 3:23

Hengenmaikama lhta ley anak akvakmo akvai'o m'a mongiaskeiam anak, malha nennaktemommalhka lhta ntemak akvakmo m'a akno hengelvetaskeso mongiaskeiam.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Efesios 4:5

Apnek na lhema aphapak Apveske, nietnek na lhema aknemo mo'ok meliaskeiam, lhema nhan apkellavkesammap konne iemmen.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

Efesios 6:8

Askeltavek ko'o eliangvomhok ketlhengkap nema allasennaikama nema apkelianmoma, nlho ka la nhan metka nema apkelianmoma, moklhem'a ta ellangkok akianmoma Apveske akietemo nkek aniem'o la aktaqmanma apkenmakmekama.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 3:11

Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,