1 Corintios 11:30 - Nuevo Testamento Toba Maskoy

³⁰ Mantek enenlhet apieseksek anak ketlhengkap akvai'o nak anmaska apiempeiok ham, meliennaktema, po'ok na apketsepak aniem'o aptoma apanke neksa apkelanai'a ngkollatsekama.

1 Corintios 11:30 ပူးပေါင်းရင်းမြစ်များ

Hechos 13:36

Apiav'akha apveske David apkelpasmongkek nak nane mota apkennemolhema aniem'o Eniapom Neten apkeltema etnek ma'a, netamen apketsepmek nak ma'a, aknemo aklhengkeskaiakmo nhan konne metaimong alhva aphapak ma'a akieto apnaiangkolha nhan apkelieihengka apkeletsepma, koka ntepelkammalhkek nak nanek aphapak ma'a.

Hechos 7:60

Ka apkelteklheklhemo lhnak aptapno'ok nalhepop Esteban ma'a, lhna aptemak apiennakteskamo apaivoma: —Apveske, etneskesama ta apankek lheiap henaqtevaskama hellanei'o enenlhet'avok anak —lhnak aptemak. Ka apketsepmo lhnak ma'a.

1 Corintios 11:29

ngkanek ngkolhek hata akiaqmongkaskesakho aptemakha ngkolatsekama aptavo la apankek pan kakpota nhan apieno la apankek vino, ngkanek alietkesammalhka m'a apiokha Apveske.

1 Corintios 11:31

Koka nelan'o la sekhek engvalhok ntase ie nlho ka la mangkolatsema amanie nemmahai'a anto'ok, manlhokiek hata nhan nema akiaqmongkasekha nentemakha.

1 Corintios 11:32

Koka apkelan'avek sekhek nentemakha Apveske, netamen ma'a apiaqmongkasakhek na nentemakha ngkolatsekama la'a kakpota netamen ma'a aniangvomho lhma m'a, mankovhek na mokhom nema akiaqmongkasekha ka aktemo nak ma'a melioho nak mokhom Eniapom Neten.

1 Corintios 15:51

Kolhva smak'ak aleltennaksek na Qaselha akielhammalhka nak nkovak hata hengke'e, have ta aplhamakho apkeletsepma enenlhet, koka nkoliaqmokhak hato ka mo'ok apkeliokha aplhamakho.

1 Tesalonicenses 4:14

Mongeliaskeiakmok ennengko'o Jesús apketsepmo lhta kanhan aplhatekhangveiakmo lhta nhan, mang na angeliaskeiakmok Eniapom Neten elaqlakhak hata apkelelto nak apkeletsepma meliaskeiam la Jesús.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!