1 Corintios 11:19 - Nuevo Testamento Toba Maskoy

¹⁹ Neksa apkelhpankesammap amota alhnakho nkek nengvetai'a apkeltemakha la altaqmelo kanhan ngkollatsekama la'a.

1 Corintios 11:19 ပူးပေါင်းရင်းမြစ်များ

Lucas 17:1

Lhnak aptemak Jesús apkellanemo apkeltamesaikamok: —Apne mota enenlhet apiatekamok po'ok ellanangkok ngkolatsekama. ¡Koka lheiap la aie apiatekamok la po'ok! Etak hata akiavai'a nkek akientalhnema apiaihekama.

Lucas 2:35

Nkoliephongvetamok hato ka aktangkolha la atlhenaikama apvalho'ok ma'a. María, lheia' hato ka avanhek ankek ngkotnek aklengaiangko akientalhnema aniem'o akmak'akha ta ngkotnek apkaniemhaikama nematka nak, malha ta ngkotnek nema alieplhaqlhema la pelettav akvenaktema akiephongveiakmo nepketama av'alhok lheia' —lhna aptemak Simeon apkanemo María.

Hechos 15:5

Koka moklhem'a lhnak Fariseos apkakhaiangkok nak na m'a apkellelto meliaskeiam Jesús, apkelaqnekho lhnak neten, lhna aptaiangkok ma'a: —Nkaimelhkek angeliaqtemenkeskasangkok nekha tkok apkellammelhakha m'a metnangko nak judios, angelleltok na elieplavkesek aktemakha nak ley Moises —lhna aptaiangkok ma'a.

Hechos 20:30

Moklhem'a ta nhan etiepok apieseksek ketlhengkap etlhekmoksek hata aktemakha akmovana ania'a kakpota eleliehekhok na nema altamesaikamok anak ma'a.

Hechos 24:14

Vanlha ko'o askeliehekho Eniapom Neten apanko'ok nelieihengka, kakpota nhan asieplekama Alhnankok Amai. Koka enenlhet'avok anak apketlhengke mota Amai Alhnankok akto lhnak apasmekama enenlhet'avok ngkolatsekama hengetlhekmoskama. Ko'o koka askeliehekho nhan aklheianma vakkahak ley kakpota nhan vakkahak apanko'ok apkeleltennasemmap ania'a annenga.

Hechos 24:5

Ka enenlhet anak meiholhma pankek ham, lhamakho iempehek aptepkeskama akmaska mota apkeliaiesekho nhan judios. Apto nhan apkemhama apmanie lhema apasmekama enenlhet'avok hengetlhekmoskama ngkolatsekama apkelvesai'a Nazarenos.

Hechos 26:5

Apkeliamavek mota astemo fariseo m'a, ¡elelmalhnamano ta enenlhet, etlhenek hata m'a! Ennengko'o nengelto fariseos avanhek hengeliatekho henganemakha enganko'ok, mangkolhnok ma'a po'ok anak apasmekha.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Hechos 5:17

Avanhek ankek nak apkeliasepkeskama apiav'akha sacerdote kakpota nhan apketlhelhma'ak saduceos apkelvetai'o nema alapaskamo m'a,

1 Corintios 11:20

Koka have akto nentoma aktaqmanma apankok Apveske apkaqnakho la ham.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

Galatas 5:20

Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

Tito 3:10

Ka apvet'o la lheiap lhema enenlhet apkelhpankeskama apieseksek anak Jesucristo apkennemolhema ham, ennaves hata lhema nlho ka la hanet aptaiekho. Koka mankomak'o la eniailhok ma'a, meipetkangvakha nkek ma'a

1 Juan 2:19

Apkakhangkek nenieseksa ennengko'o m'a apkellammelhmakha nak, koka hengelieniekhek lhta nhan ngkanek have netlhelhma'ak engankavek ma'a. Lhta kto la netlhelhma'ak engankavek ma'a, manghengelieniekhe lhta nhan ma'a, nelvetai'a koka iokhalhmek ankek have aplhamakho netlhelhma'ak ma'a.