1 Corintios 10:6 - Nuevo Testamento Toba Maskoy

⁶ Ntase nkotlheianvakho mota engvalho'ok ma'a apkeltemakha lhnak nanek nelieihengka kakpota mongelvanankek ma'a aptaiangkolha m'a, mangeleltek angellanangkok ngkolatsekama aptaiangkolha lhnak nanek ma'a nelieihengka.

1 Corintios 10:6 ပူးပေါင်းရင်းမြစ်များ

Romanos 5:14

koka nkaqhok apkeletsepme lhta mota enenlhet'avok ampai'o lhta Adan akvakmo Moises aniem'o apkellanekamok qaselha ngkollatsekama. Koka mok aktema lhnak nanek Adan meliehekho m'a lhema apaivoma apkaskamakha Eniapom Neten. Adan koka apietkesammap ma'a malha niekhe enenlhet aplhenammakpo lhta evak.

1 Corintios 10:11

Ntase nkotlheianvakho mota engvalho'ok ma'a aktemakha apkelvetai'a lhnak nanek nelieihengka kakpota mongelvanankek aptaiangkolha lhnak nanek ma'a. Ka ntemak na aktalhesammalhka lhnak nanek apkelvetai'a nelieihengka kakpota montangkek ennengko'o m'a, ngkanek ketse nkaimelhkak aktemongvanlha nnelha aknem.

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Hebreos 9:24

Ma lhta etalhnengvekha Cristo pa'at akpokkenammalhka apto enenlhet apankek apkelanai'a, ngkanek apietkesammap ma'a pa'at anak hengke'e apietnemo m'a neten apto have niapak anke nak. Neten koka aptalhnengvekhak ma'a napaqtek Eniapom Neten kakpota enianak hengelleltaqmelkeskesek nengellaniemhaikama ennengko'o m'a.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,

2 Pedro 2:6

Apnaqtevasekho lhnak nanek na Eniapom Neten apiav'akha temma Sodoma kanhan Gomorra, apvanlhekho akvakmo aptangkokho tahap ma'a kakpota elvetak enenlhet'avok ma'a aktemakha apkelvetai'a enenlhet'avok apkellanekamok ngkollatsekama.

Judas 1:7

Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.