1 Corintios 10:13 - Nuevo Testamento Toba Maskoy

¹³ Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

1 Corintios 10:13 ပူးပေါင်းရင်းမြစ်များ

Lucas 11:4

etneskesama ta apankek ma'a mangeleliehekho nak hengellaskamakha lheiap, ka akto nak ennengko'o nelteskesaikama engankavek hennaqtevaskama emmo'ok, hengellaso ta nhan neksa akvai'a la hengeliepkonma —lhna aptemak ma'a.

Lucas 16:26

Mangapvankek ennengko'o angeliokha apnakha nak lheiap, mankapvankek na lheiap eniantak hengke'e, ngkanek tavanne ka nkek ham", lhna aptemak Abraham.

Lucas 22:46

Lhnak aptemak Jesús: —Se lha akto apnakteno nak ke, enaklhatakha, elelmalhna nhan kakpota mankopalesemmek aliepkonma —lhna aptemak.

Hechos 27:44

Lhtoka mankollapvanko la enmankok iemmen, apkelto lhta enmankok iamet akpaihema m'a. Netamen nenlhamakho lhta nelvakmok neiava iemmen ma'a, ntase lhta nelvaiam ma'a.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

2 Corintios 1:10

Hai, nengelvongkaselhke lhta tep ma'a akiavai'a nemmahai'a antekievekhak niekhe, neliavek na ngkotnekhak hata mokhom hengelvongkeskama tep ma'a.

1 Tesalonicenses 5:24

Hai', apto apkellavekama ketlhengkap vanlha mota apkellanai'a aptakha la aplheianma, eieplavkesek hata mota nhan aptakha apaivoma.

2 Tesalonicenses 3:3

Eniapom Neten apto have niapak ankek apaivoma, elpasmok hata m'a kakpota nkoliennak meliaskeiam ketlhengkap, enmeivok hata nhan neksa akmahai'a la nkovak ngkolatsekama.

2 Timoteo 4:18

Hevongkesek hata nhan tep emanie nak neksa akvai'a maniamolhma, heiantemekhak hata nhan ma'a akieto neten aptemakha nak Apveske m'a. ¡Antangko ta mota gloria Apvesai'a m'a metka akvaiam annelha aliekaikamok iantelhkapa! Amen.

Hebreos 10:23

Angetlhengkesek hata netlhenaikama aktemakha mongeliaskeiam anak kanhan alel·halhnekama engelvalho'ok hengelpasmok hata Eniapom Neten, mongeliaskamek na apaivoma akto have niapak ankek ma'a. Metka alpeivekha atlhenaikama engvalho'ok ennengko'o ngkanek apeneskangke lhta apaivoma Eniapom Neten, have apmopvana ania'a.

Hebreos 11:11

Mang nak nanek na ei'askeiakmok Abraham aktemakha apeneskamo apaivoma Eniapom Neten eteskesek hata apketka, ka nkeniemai'ak ma'a akvektamo mokhom apiennaktema m'a kakpota etak apketka neksa aptema apvaneiam, kanhan aptava Sara aktema iennaktema naie'.

Hebreos 12:4

melammelhmak mokhom ketlhengkap ngkollatsekama nak akvakmo apkeletsepo.

Hebreos 6:18

Hai, meiaqmonkasekhek hata Eniapom Neten hanet qaselha nak aplheianma ngkanek mamma nkek apmopvana ania'a m'a. Nenlhamakho nengelelto nenteniaikamok hengeltaqmelkeskama Eniapom Neten ntasek nkolhnangkok alel·halhnekama engelvalho'ok angetlhevangkok hata qaselha aplheianmo Eniapom Neten hengellangkok hata.

1 Pedro 4:19

Ka apkelto la elvetak akientalhnema ketlhengkap Eniapom Neten, nheklhek koka etlhengkesek apkellanekamok qaselha altaqmelo m'a, ntasek na enmeksek apvalho'ok ma'a apto lhta apkellanai'a ketlhengkap kanhan apto apkelpasmoma mota.

2 Pedro 2:9

Hai, apvankek Apveske elvongkesek tep neksa aliepkonma apkellelto la apkellanekamok qaselha altaqmelo, apvankek na elpokkenek apkellelto la meliamolhma kakpota eliaqmongkaskesekhak hata apkeltemakha ngkollatsekama akvo'o ta aknem neniekpelkammalhkelha m'a,

1 Juan 1:9

Koka netlheno la engankek nellanekamok qaselha ngkollatsekama napaqtek Eniapom Neten, have niapak anke hata nhan etneskesama apankek ngkollatsekama nak ma'a, hengellalhnaskesek hata nhan engelvalho'ok malha alpaiseiam aniem'o nellanekamok ngkollatsekama m'a. Hai', etnek hata m'a aniem'o apieplavkeskama mota apaivoma m'a, apeivomo nhan.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.