1 Corintios 10:11 - Nuevo Testamento Toba Maskoy

¹¹ Ntase nkotlheianvakho mota engvalho'ok ma'a aktemakha apkelvetai'a lhnak nanek nelieihengka kakpota mongelvanankek aptaiangkolha lhnak nanek ma'a. Ka ntemak na aktalhesammalhka lhnak nanek apkelvetai'a nelieihengka kakpota montangkek ennengko'o m'a, ngkanek ketse nkaimelhkak aktemongvanlha nnelha aknem.

1 Corintios 10:11 ပူးပေါင်းရင်းမြစ်များ

Romanos 13:11

Kolhva koka nenvanlha nak nahan akto neten ankek akiaspommalhka, ampai'o lhta sekhek ankek mongeliaskeiam Jesús akvakmo nenvanlha nak, ketsek ankek na nkaimelhkak nengelvongkasemmalhkelha ta tep. Ketlhengkap koka malha apnaqteianma aptangkok ¡Enaqlhatekhamok koka!

Romanos 13:12

Nkanketva'ak nkotsak hata, mmak'a nkotiepok aknem, elvatesamok apkellanekamok qaselha alleniem'o ienaqtesakha lhma. Ntasek koka ellanangkok qaselha alleniem'o nak atsak'elha lhma.

Romanos 15:4

Lhamakho aktemakha nak aktalhesammalhka Vakkahak Eniapom Neten Apaivoma kakpota hengetlhekmoksek ennengko'o m'a, akpaieskaiam engvalho'ok, hentemeskeskama nhan metka nempekheskama, hengaikamok na al·halhnekama engvalho'ok angelvetak aktaqmanma.

Romanos 4:23

Ka aktemo na aklheianma Eniapom neten apaivoma m'a aptemeskesammakpo apeivomo Abraham. Koka have vanlha Abraham,

1 Corintios 10:6

Ntase nkotlheianvakho mota engvalho'ok ma'a apkeltemakha lhnak nanek nelieihengka kakpota mongelvanankek ma'a aptaiangkolha m'a, mangeleltek angellanangkok ngkolatsekama aptaiangkolha lhnak nanek ma'a nelieihengka.

1 Corintios 7:29

Ketlhengkap elialheng'a, ka asto lhkek askellano ngkanek ketse nkaimelhka akvaianlha aknem annelha lhmankek ham. Kolhva asmak'ak mokhom aleltennasangkok nema nak apnaqteiangka'a, melienlhanmamok apkellanei'o qaselha anko'ok aktemakha nak nema entava'.

1 Corintios 9:10

koka have vanlha buey ma'a, ennengko'o nhan hengetlheianma kakpota nkoltaqmelek nellaniemhaikama ngkanek lhamakho henganemakha nak aklheianma altemo nkoltaqmelkesek nellaniemhaikama. Hai, apto la apengkaiam lhepop aniep kakpota nhan apto la apkemposkai'a aiempeiok apkanma la aktek, nietavek na m'a elel·halhnek akianmoma m'a.

Galatas 4:24

Koka hanet ngkelvana'ak anak alietkesammalhka malha hanet aknemo mo'ok apvalho'ok apkenmahai'akha etnangkok ma'a. Agar koka malha m'a aniem'o akieto metaimong akhaiam Sinai, apkakhaiangkek nak nanek atkak apkellelto nema allasennaikama nema apkelianmoma.

Filipenses 4:5

Kakpota elvetak enenlhet apkellelto apkeliamolhma ketlhengkap ¡Apkanketvaktek apveske!

Hebreos 10:25

Mongelvatesankek na nengaqnekha neltaqneskasekamok anak Eniapom Neten, angeliatekhok na emmo'ok ngkanek ketse nkaimelhkak akvai'a ta aknem.

Hebreos 10:37

Ka ntemak na aklheianma Vakkahak Eniapom Neten apaivoma hengke'e: «Ketse nkaimelhkak apvektanlha aplhenammap evatak hata m'a, mankovanka nkek hata aknem ma'a.

1 Juan 2:18

Ketlhengkap eietkak apketkok, ketse nkaimelhkak aktemongvaianlha nnelha aknem lhma nkek ham, apkellengai'ak ketlhengkap aplheiam apto apkammelhma Cristo, kolhva koka apkeliephongvak aplhamakma apkellammelhma Cristo, ka ngkanek nengeliavek ennengko'o kanketva'ak aktemongvanlha nnelha aknem alhma nkek ham.